Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Как перейти на НДС и налог на прибыль по расчетному пороговому показателю – читать на buxgalter.uzЧто изменится в налогообложении в 2021 году – читать на buxgalter.uzОплачивается ли «больничный», выданный частной клиникой – читать на buxgalter.uzКак не зависеть от банковского рабочего дня – читать на buxgalter.uzЕсли продавец при покупке через КПК не оформил ЭСФ и чек ККМ – читать на buxgalter.uz

Барча фермер ва деҳқон хўжаликлари ягона электрон базага киритилади

14.08.2018

Читать на русском языке

Вазирлар Маҳкамасининг 10.08.2018 йилдаги 645-сон қарори билан қишлоқ хўжалиги корхоналари фаолиятига замонавий ахборот-коммуникация технологияларини кенг жорий қилиш чора-тадбирлари тасдиқланди.

 


Таҳририятдан: ушбу ҳужжат ва 75 000 та бошқа норматив-ҳуқуқий ҳужжатлар тушунтиришлари билан бирга «ЎзР қонунчилиги» АҚТда жамланган. Намойиш версиясини бу ерда юклаб олинг (32,1 МБ).



Ягона электрон ахборот маркази (Марказ) ташкил этилмоқда

 

У Қишлоқ хўжалиги вазирлиги ва унинг ҳудудий бўлинмалари ҳузурида юридик шахс мақомига эга бўлмаган ҳолда фаолият юритади.


Қуйидагилар Марказнинг асосий вазифалари этиб белгиланган:

  • контрактация шартномалари, Қишлоқ хўжалигини давлат томонидан қўллаб-қувватлаш жамғармасидан ажратилган кредитлар, фермер хўжаликларига етказиб берилган ресурсларнинг мониторингини юритиш;
  • фермер хўжаликларига минерал ўғитлар, ЁММни етказиб беришнинг кафолатланган ҳажмлари тўғрисидаги маълумотларнинг электрон базасини юритиш;
  • туман ҳокимининг экин ерларини узоқ муддатли ижарага бериш тўғрисидаги қарори, ер ижара шартномаси, контрактация, хизмат кўрсатиш шартномалари реестрини юритиш ва ҳ.к.

 

Қишлоқ хўжалиги вазирлиги, «Ўзпахтасаноат», «Ўздонмаҳсулот», «Ўзагрокимёҳимоя», «Ўзнефтмаҳсулот», «Ўзагротехсаноатхолдинг», «Агробанк», Фермер, деҳқон хўжаликлари ва томорқа ер эгалари кенгаши, вилоятлар ҳокимликлари тузилган шартномалар, ажратилган кредитлар тўғрисидаги барча зарур ахборот Марказга тақдим этилишини таъминлайди.



Шунингдек қишлоқ хўжалиги корхоналари учун Марказ доирасида қишлоқ хўжалиги маҳсулотларининг электрон савдо майдончаси бепул ташкил этилади.

 

Барча қишлоқ хўжалиги корхоналари – ягона базада, иш юритиш автоматлаштирилади

 

Жорий йил 1 октябрга қадар фермер ва деҳқон хўжаликлари, шунингдек қишлоқ хўжалиги корхоналарининг ягона электрон базаси шакллантирилади (СТИР ва контур кесимида) ҳамда унинг тизимли янгиланиб борилиши таъминланади.


2019 йил 1 январдан бошлаб қишлоқ хўжалиги корхоналари Марказ тизими орқали электрон иш юритишга тўлиқ ўтадилар. Ҳужжатлар электрон рақамли имзо ёрдамида тасдиқланади.

   

Қишлоқ хўжалигига АКТни жорий этиш чора-тадбирлари дастури тасдиқланди

 

Унинг асосий йўналишлари:

  • етиштирилаётган қишлоқ хўжалиги маҳсулотлари, унинг ҳажмлари ва турлари тўғрисида ягона электрон маълумотлар базасини яратиш;
  • қишлоқ хўжалиги соҳасида аgroonline.uz (Қишлоқ хўжалиги вазирлиги), oziq-ovqat.uz («Ўзбекозиқовқатхолдинг»), agromart.uz (Фермер, деҳқон хўжаликлари ва томорқа ер эгалари кенгаши) сингари миллий веб-сайтлар ишини такомиллаштириш;
  • тайёрловчи, қайта ишловчи ва экспорт қилувчи ташкилотлар қишлоқ хўжалиги маҳсулотларини биржа савдоларида электрон ахборот тизимлари ёрдамида сотиб олишларини таъминлаш.

 

 Ҳужжат Қонун ҳужжатлари маълумотлари миллий базасида эълон қилинган ва 11.08.2018 йилдан кучга кирди.

 

Ленара Хикматова.


 

В этой теме действует премодерация комментариев.
Вы можете оставить свой комментарий.

info! Оставляя свой комментарий на сайте, Вы соглашаетесь с нашими Правилами их размещения.
Гость_