Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Новое на buxgalter.uz:12 дел для главбуха до конца 2021 года 12 НПА, повлиявших на «коммерческую» медицину в 2021 году Как подстроиться под последние нововведения в чеках онлайн-ККТ Как без ошибок отразить данные онлайн-ККТ в персональном кабинете налогоплательщика и расчете по налогу

Бош вазирнинг ижтимоий ривожлантириш масалалари бўйича ўринбосари нимага раҳбарлик қилади

09.07.2021

Читать на русском языке

Вазирлар Маҳкамасининг 05.07.2021 йилдаги 419-сон қарори билан бир қатор низомлар тасдиқланди.

 

Булар:

  • Ўзбекистон Республикаси Бош вазирининг ижтимоий ривожлантириш масалалари бўйича ўринбосарининг функционал вазифалари тўғрисидаги низом (1);
  • Таълим ва соғлиқни сақлаш масалалари котибияти тўғрисидаги низом;
  • Ёшлар, жамоат ташкилотлари, маҳалла ва оилани қўллаб- қувватлаш масалалари котибияти тўғрисидаги низом;
  • Маънавият ва давлат тилини ривожлантириш масалалари департаменти тўғрисидаги низом.

 

Низомга (1) асосан Бош вазир ўринбосари Олий Мажлис Қонунчилик палатаси унинг номзодини маъқуллагандан сўнг Президент томонидан лавозимга тасдиқланади.

 

Бош вазир ўринбосари Президентга ва Бош вазирга ҳисобот беради. Унинг фаолияти узлуксиз таълим, соғлиқни сақлаш, ёшлар, маҳалла ва оилани қўллаб-қувватлаш тизимини ислоҳ қилишни мувофиқлаштириш билан боғлиқ масалаларни ҳал этишга йўналтирилган.

 

Бош вазир ўринбосари мақомига кўра Ҳукуматнинг аъзоси ҳисобланади ва Вазирлар Маҳкамаси Раёсати таркибига киради. У Вазирлар Маҳкамаси ва унинг Раёсати мажлисларида бевосита иштирок этади.

 

Қуйидагилар Бош вазир ўринбосарининг вазифалари жумласига киради:

  • узлуксиз таълим ва кадрлар тайёрлаш тизими ислоҳотларини мувофиқлаштириш;
  • ёшларни қўллаб-қувватлаш;
  • маънавий-маърифий ишлар самарадорлигини ошириш ва давлат тилини ривожлантириш фаолиятини мувофиқлаштириш;
  • атамашунослик ва топонимик объектларга ном бериш фаолиятини мувофиқлаштириш;
  • “йўл хариталари”ни ишлаб чиқиш ва амалга ошириш.

 

Бош вазир ўринбосари тегишли идоралараро коллегиал органларга раҳбарлик қилади, шунингдек, Бош вазир раҳбарлик қиладиган идоралараро коллегиал органлар фаолиятини ҳамда уларнинг қарорлари бажарилишини ташкил этиш юзасидан назоратни таъминлайди.

 

Ҳужжат Президентнинг “Ўзбек тилининг давлат тили сифатидаги нуфузи ва мавқеини тубдан ошириш чора-тадбирлари тўғрисида” 2019 йил 21 октябрдаги ПФ-5850-сон, “Туризм, спорт ва маданий мерос соҳаларида давлат бошқаруви тизимини янада такомиллаштириш чора-тадбирлари тўғрисида” 2021 йил 6 апрелдаги ПФ-6199-сон фармонлари ҳамда “Вазирлар Маҳкамаси фаолиятини такомиллаштиришга оид қўшимча чора-тадбирлар тўғрисида” 2021 йил 10 июндаги ПҚ-5143-сон қарори ижросини таъминлаш мақсадида қабул қилинган.

 

Ҳужжат Қонун ҳужжатлари маълумотлари миллий базасида эълон қилинган ва 06.07.2021 йилдан кучга кирди.
 

Наргиза Воҳидова.


Курс валют

2021-11-26
  • USD:10757.57 (+0.00) сум
  • EUR:12074.30 (+0.00) сум
  • RUB:144.34 (+0.00) сум