Вазирлар Маҳкамасининг 26.02.2016 йилдаги 54-сон қарори билан паспорт-виза режимига риоя қилиш тартиби мустаҳкамланганлиги ва уй-жой фондидан фойдаланиш тартибга солиниши муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритилди.
Вақтинчалик бир марталик иш билан таъминлаш маркази тўғрисидаги намунавий низомда1 энди белгиланишича, бошқа жойлардан келган фуқароларга тегишли гувоҳнома берилади.
Вақтинчалик бир марталик иш билан шуғулланиш ҳуқуқини берувчи гувоҳнома Қорақалпоғистон ва вилоятларда вақтинчалик рўйхатдан ўтиш муддатига, шунингдек Тошкент шаҳри ва Тошкент вилоятида вақтинча ҳисобга олиш муддатига берилади, бироқ 6 ойдан ортиқ бўлиши мумкин эмас.
Гувоҳномани олиш учун Марказга қуйидагилар тақдим қилинади:
ариза;
асл нусха кўрсатилган ҳолда паспортнинг нусхаси;
3 x 4 см ўлчамли тўртта фотосурат;
ушбу Низомга 2-иловага мувофиқ шакл бўйича тўлдирилган сўровнома.
Тошкент шаҳри ва Тошкент вилоятига республиканинг бошқа минтақаларидан келадиган ва вақтинчалик бир марталик ишларга ёлланадиган фуқаролар турган жойи бўйича ҳисобга олиш тўғрисидаги қайд варағини ҳам тақдим қилишлари керак.
Гувоҳнома барча зарур ҳужжатлар тақдим этилгандан кейин икки иш куни мобайнида берилади.
Эътибор беринг! Қабул қилинган ўзгартиришлар фақат вақтинчалик бир марталик ишлар билан банд шахсларга татбиқ этилади ҳамда доимий асосда ишлаётган фуқароларга тааллуқли эмас.
Мазкур ҳужжатнинг матни билан, у билан боғланган бошқа қонун ҳужжатларига шарҳлар ва изоҳлар билан «Ўзбекистон Республикаси қонунчилиги» ахборот-қидирув тизимида танишиш мумкин.
«Ўзбекистон Республикаси қонунчилигида янги» шарҳини
эксперт-юристимиз
Елена ЕРМОХИНА
тайёрлади.
________________
1 Вазирлар Маҳкамасининг 18.05.2001 йилдаги 223-сон қарори билан тасдиқланган.
