Вазирлар Маҳкамасининг 13.12.2022 йилдаги “Суд-экспертлик фаолиятини тартибга солувчи айрим норматив-ҳуқуқий ҳужжатларни тасдиқлаш тўғрисида”ги 705-сон қарори қабул қилинди.
Ҳужжат билан Суд экспертларининг фаолиятини рейтинг тизимида баҳолаб бориш тўғрисидаги намунавий низом тасдиқланмоқда.
Суд экспертлари фаолиятини баҳолаш учун 12 та ижобий ва 5 та салбий мезонлар ўрнатилмоқда. Баҳолаш натижалари экспертларни моддий рағбатлантириш ёки уларни интизомий жазога тортиш учун асос бўлади.
Шунингдек ҳужжат билан Адлия вазирлиги ҳузуридаги Суд экспертлик фаолиятини ривожлантиришни қўллаб-қувватлаш жамғармаси фаолиятига оид низом ҳам тасдиқланмоқда.
Давлат суд-экспертиза муассасаларига ўзларининг бюджетдан ташқари жамғармаларининг 50 фоизгача бўлган қисмини ходимларни ижтимоий ҳимоя қилиш ва моддий рағбатлантирш учун сарфлашга рухсат этилмоқда.
Ҳужжат Қонунчилик маълумотлари миллий базасида эълон қилинган ва 14.12.2022 йилдан кучга кирди.
Собир Нурбердиев.
