Неверный логин или пароль
x
На ваш почтовый ящик отправлены инструкции по восстановлению пароля
x

Давлат бошқаруви академиясида йилига 160 нафар тингловчи қайта тайёрланади

09.10.2017


2017 йил 8 августдаги ПФ–5139-сон Президент Фармони ижросини таъминлаш мақсадида Вазирлар Маҳкамасининг 2017 йил 19 сентябрдаги 745-сон Қарори билан қуйидагилар тасдиқланди:

 

  • Бошқарув кадрларини тайёрлаш соҳасида магистратура мутахассисликлари бўйича олий таълимнинг давлат таълим стандарти;
  • Ўзбекистон Республикаси Президенти ҳузуридаги Давлат бошқаруви академиясининг “Давлат бошқаруви” магистратура мутахассислиги бўйича давлат таълим стандарти;
  • Ўзбекистон Республикаси Президенти ҳузуридаги Давлат бошқаруви академиясида бошқарув кадрларини қайта тайёрлаш ва уларнинг малакасини оширишга қўйиладиган давлат талаблари;
  • Ўзбекистон Республикаси Президенти ҳузуридаги Давлат бошқаруви академияси магистратураси тингловчилари томонидан малакавий амалиёт ва стажировка ўташ тартиби тўғрисидаги низом;
  • Ўзбекистон Республикаси Президенти ҳузуридаги Давлат бошқаруви академиясида бошқарув кадрларини қайта тайёрлаш ва уларнинг малакасини ошириш учун масофадан ўқитиш таълим усуллари орқали ўқув курсларини ташкил этиш ва ўтказиш тартиби тўғрисидаги низом;
  • Ўзбекистон Республикаси Президенти ҳузуридаги Давлат бошқаруви академиясида тингловчиларга ишлаб чиқаришдан ажралмаган ҳолда таълим дастурлари бўйича таълим хизматлари кўрсатиш тартиби тўғрисидаги низом;
  • Ўзбекистон Республикаси Президенти ҳузуридаги Давлат бошқаруви академиясида бошқарув кадрларини қайта тайёрлаш курсларини 2015/2016 ва 2016/2017 ўқув йилларида якунлаган битирувчилар учун бериладиган давлат намунасидаги сертификат.

 

Шунингдек Қарорда белгиланишича, Ўзбекистон Республикаси Президенти ҳузуридаги Давлат бошқаруви академиясининг бошқарув кадрларини қайта тайёрлаш курсларига 2017/2018 ўқув йилида:

  • ишлаб чиқаришдан ажралмаган ҳолда ташкил этиладиган 1 йиллик курсларга 60 нафар (шундан 24 нафар – давлат гранти асосида, 36 нафар - тўлов-контракт асосида);
  • ишлаб чиқаришдан ажралган ҳолда ташкил этиладиган 4 ойлик курсларга давлат гранти асосида 100 нафар тингловчи ўқишга қабул қилинади. 4 ойлик курсларга давлат ва хўжалик бошқаруви органлари, маҳаллий давлат ҳокимияти органларининг ходимлари қабул қилинади ҳамда ушбу курсларга қўшимча қабул тўлов-контракт асосида амалга оширилади.

 

2017 йил 25 сентябрда кучга кирди.

 

 

Мазкур ҳужжатнинг матни билан, у билан боғланган бошқа қонун ҳужжатларига шарҳлар ва изоҳлар билан «Ўзбекистон Республикаси қонунчилиги» ахборот-қидирув тизимида танишиш мумкин.

 

«Ўзбекистон Республикаси қонунчилигида янги» шарҳини

эксперт-юристимиз Сардор ЖУМАШОВ

тайёрлади.