Вазирлар Маҳкамасининг 24.02.2025 йилдаги 108-сон қарори билан «Давлат харидларини корпоратив банк карталари орқали амалга ошириш тартиби тўғрисида»ги Низом тасдиқланди.
Президентнинг 10.07.2024 йилдаги ПҚ-249-сон қарорига мувофиқ давлат буюртмачилари томонидан қуйидаги харидларни корпоратив (харид) банк карталаридан фойдаланган ҳолда амалга ошириш тартиби ишлаб чиқилди:
- хизмат сафарлари ва давлат буюртмачиси фаолиятини амалга ошириш билан боғлиқ бошқа ҳолларда чипталар (авиа ва темир йўл транспорти учун) ва меҳмонхона хизматларини харид қилиш;
- бензин, суюлтирилган ва сиқилган газ, авиа ва дизель ёқилғисида ҳаракатланувчи транспорт воситаларига ёқилғи қуйиш, шунингдек электромобилларни электр энергияси билан қувватлантириш харажатлари.
Давлат буюртмачиси қонунчиликда белгиланган тартибда харид картаси ҳисоб рақамини очиш учун эмитент-банкка мурожаат қилади.
Бунда бюджет буюртмачисининг ҳар бир тегишли шахсий ҳисобварағи бўйича эмитент-банкда алоҳида банк транзит ҳисобварағи очилади.
Давлат мижозларига харид картасига иш ҳақи ва унга тенглаштирилган тўловлар, пенсиялар, нафақалар, стипендиялар ва дивидендларни ўтказиш, шунингдек харид картасидан фойдаланган ҳолда нақд пул бериш ва чет эл валютасини сотиб олиш тақиқланади.
Давлат буюртмачилари томонидан бошланғич нархни пасайтириш мақсадида ўтказиладиган аукционларда иштирок этиш орқали харидларни амалга ошириш учун харид картасидан фойдаланиш тақиқланади.
Ҳужжат Қонун ҳужжатлари маълумотлари миллий базасида эълон қилинган ва 25.02.2025 йилдан кучга кирди.
Лола Абдуазимова
