Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Новое на buxgalter.uz:Часто совершаемые ошибки при организации охраны трудаКак использовать прибыль ГУП Невозможность выставить «минусовый» дополнительный ЭСФ вынуждает решать проблему неправильным способом Опубликованы минимальные ставки арендной платы за пользование госимуществом в разрезе регионов Расширен список НОУ, прошедших аккредитацию АССА

Давлат хизматлари ягона реестрига ўзгартиришлар киритилди

16.09.2020

Читать на русском языке

Аҳолига кўрсатилаётган давлат хизматлари тизимини такомиллаштириш мақсадида Адлия вазирлиги ҳамда Ахборот технологиялари ва коммуникацияларини ривожлантириш вазирлиги «Давлат хизматлари ягона реестрига қўшимча ва ўзгартиришлар киритиш тўғрисида»ги қўшма қарорни (рўйхат рақами 3181-1, 31.09.2020 й.) қабул қилдилар.

 

Қабул қилинган ҳужжат Реестрнинг қарийб барча бобларини қамраб олган бўлиб, кўрсатиладиган хизматлар рўйхатини анча кенгайтирган. Бунда лицензиялаш бекор қилингани муносабати билан уларнинг айримлари Реестрдан чиқариб ташланган. Янги хизматлар киритилган, айримларини кўрсатиш тартиби мақбуллаштирилган, масъул орган ўзгартирилган (батафсил – бу ерда).

 

Маълумот учун. 2003 йилдан бошлаб тадбиркорлик субъектларини «ягона дарча» тамойили бўйича рўйхатдан ўтказиш туманлар (шаҳарлар) ҳокимликлари ҳузуридаги тадбиркорлик субъектларини рўйхатдан ўтказувчи инспекциялар томонидан амалга оширилган.

 

2017 йил 1 февралдан бошлаб Ягона марказларнинг туманлар (шаҳарлар) ҳокимликлари таркибидан Адлия вазирлиги юритувига берилиши соҳани ривожлантиришда, бошқарув вертикалини шакллантиришда ва уларнинг самарали фаолият юритишида навбатдаги қадам бўлди. Ягона марказлар томонидан тақдим этиладиган давлат хизматлари сони 33 тагача ошди.

 

2017 йил 1 апрелдан бошлаб тадбиркорлик субъектларини давлат рўйхатидан ўтказишнинг автоматлаштирилган тизими ишга туширилди, бу мамлакатимизга «Doing Business 2018» жаҳон рейтингидаги «Бизнесни рўйхатдан ўтказиш» кўрсаткичи бўйича ўз позициясини 24-ўриндан 11-ўринга кўтариш имконини берди. 

 

Ҳужжат Қонун ҳужжатлари маълумотлари миллий базасида эълон қилинган ва 31.08.2020 йилдан кучга кирган.


Мирёқуб Ҳайдаров.