Президент томонидан 09.11.2023 йилдаги «Ўзбекистон Республикасининг айрим қонун ҳужжатларига деҳқон хўжалигини юритиш учун ажратиладиган ер участкаларининг ўлчамини оширишга қаратилган ўзгартиришлар ва қўшимча киритиш тўғрисида»ги ЎРҚ-876-сон Қонун имзоланди.
Ҳужжатда қайд этилишича, мамлакатнинг айрим ҳудудларида чорва озуқаси экинларини етиштириш учун кенг имкониятлар мавжудлиги деҳқон хўжалиги учун ажратиладиган ер участкаларининг қонунчиликда белгиланган ўлчамини қайта кўриб чиқиш ва ошириш заруратини юзага келтирмоқда.
Қонун билан Ер кодекси ва «Деҳқон хўжалиги тўғрисида»ги Қонунга мамлакатнинг айрим ҳудудларида чорва озуқаси экинларини етиштириш мақсадида деҳқон хўжалигини юритиш учун ажратиладиган ер участкаларининг энг кўп ўлчамини 1 гектардан 5 гектарга оширишни назарда тутувчи ўзгартиришлар ва қўшимча киритилмоқда.
Ҳужжат Қонун ҳужжатлари маълумотлари миллий базасида эълон қилинган ва 09.11.2023 йилдан кучга кирди.
Лола Абдуазимова.
