Вазирлар Маҳкамасининг 28.02.2025 йилдаги «Ёқилғи-энергетика ресурслари истеъмолчиларини қўллаб-қувватлаш мақсадида Вазирлар Маҳкамасининг «Ёқилғи-энергетика соҳасида бозор механизмларини жорий этишнинг қўшимча чора-тадбирлари тўғрисида» 16.04.2024 йилдаги 204-сон қарорига қўшимча киритиш ҳақида»ги 133-сон қарори қабул қилинди.
Ҳужжатга кўра, ҳаво ҳароратидан келиб чиқиб, Энергетика вазирлиги Вазирлар Маҳкамаси билан келишилган ҳолда, аҳоли учун электр энергияси ва табиий газ истеъмолининг ойлик базавий меъёрларнинг иситиш ва бошқа мавсумлардаги амал қилиш муддатларига ўзгартириш киритиши мумкин.
Базавий меъёрларнинг амал қилиш муддатларидаги ўзгаришлар вазирлик сайтида ва ОАВда эълон қилиниши керак.
Ҳужжат Қонун ҳужжатлари маълумотлари миллий базасида эълон қилинган ва 03.03.2025 йилдан кучга кирди.
Собир Нурбердиев
