Вазирлар Маҳкамасининг 28.04.2018 йилдаги 317-сон қарори билан 1941–1945 йиллардаги уруш фахрийларини, шунингдек, фашистлар концлагерларининг вояга етмаган собиқ маҳбуслари ва Ленинград шаҳри қамал қилинган даврда ишлаган фуқароларни ижтимоий ҳимоя қилиш бўйича чора-тадбирлар тасдиқланди.
Мазкур шахсларга 2018 йил 1 майдан бошлаб озиқ-овқат маҳсулотлари, гигиена товарлари, кийим-кечак ва пойабзаллар бепул берилади. Батафсил қаранг:
- Мамлакатимизда ишлаб чиқарилган асосий турдаги озиқ-овқат маҳсулотлари ҳамда гигиена товарлари рўйхати (15 та номланишдаги);
- Мамлакатимизда ишлаб чиқарилган зарур кийим-кечак ва пойабзаллар рўйхати (эркаклар ва аёллар учун 10 тадан номланишдаги).
Белгиланишича, юқорида кўрсатилган фуқаролар Вазирлар Маҳкамасининг 10.08.2015 йилдаги «Кексалар ва ногиронларни манзилли ижтимоий ҳимоя қилиш ва қўллаб-қувватлашни янада кучайтириш чора-тадбирлари тўғрисида»ги 237-сон қарорига мувофиқ асосий турдаги товарларни олиш ҳуқуқига эга бўлсалар, уларни қарорда назарда тутилган тартибда оладилар.
Пенсия жамғармасига «Нуроний» жамғармаси, ИИВ ва Мудофаа вазирлиги билан биргаликда олувчилар рўйхатлари ҳар ойда шакллантирилишини таъминлаш топширилди.
Жадвалда товарлар харид қилинишини молиялаштириш манбалари ва «Нуроний» жамғармаси уларни эгаларига етказиши керак бўлган муддатлар кўрсатилган.
|
Товарлар номи |
Харидларни молиялаштириш манбалари |
Эгасига етказиб бериш муддатлари |
|
Асосий турдаги озиқ-овқат маҳсулотлари ҳамда гигиена товарлари |
Қорақалпоғистон Республикаси бюджети, вилоятлар ва Тошкент шаҳри маҳаллий бюджетлари маблағлари |
Ҳар ойнинг 15 санасигача |
|
Кийим-кечак ва пойабзалла |
Республика бюджети маблағлари |
1 октябрдан кечиктирмасдан (ҳар йили ёхуд товар турига қараб ҳар ҳар 2 йилда) |
Ҳужжат Қонун ҳужжатлари маълумотлари миллий базасида эълон қилинган ва 30.04.2018 йилдан кучга кирди.
Мазкур ҳужжатнинг тўлиқ матни, шарҳлар ва у билан боғлиқ бошқа қонун ҳужжатларига ҳаволалар билан «Ўзбекистон Республикаси қонун ҳужжатлари» ахборот-қидирув тизимида танишиш мумкин. Олег Гаевой.
