Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Как превратить частное предприятие в общество с ограниченной ответственностью – читать на buxgalter.uz Номенклатура товаров: «колбаса» или «kolbasa»? – читать на buxgalter.uzКакой метод списания ТМЗ выгоднее – читать на buxgalter.uzЗачем плательщиков общеустановленных налогов будет обслуживать новое управление? – читать на buxgalter.uzКак заполнить налоговую отчетность для получения льгот – читать на buxgalter.uzКак пенсию и зарплату получать на одну карту – читать на buxgalter.uzГНК меняет единицу измерения показателей финотчетности – читать на buxgalter.uz

Фискал таваккалчиликлар бюджетномага киритилади

28.12.2018

Читать на русском языке

 

24.12.2018 йилдаги  ЎРҚ-508-сон Қонун билан Бюджет кодексига ўзгартиш ва қўшимчалар киритилди.

 

Кўплаб тузатишлар орасида қуйидаги янгиликларга эътиборингизни жалб этамиз:

 

биринчидан, бюджет тизими бюджетлари харажатлари таснифининг тузилмасига дастурий тасниф киритилди. У давлат, тармоқ ва ҳудудий ривожлантириш дастурларини бажариш учун маблағлар йўналишини акс эттирувчи харажатларни гуруҳлашдан иборатдир.

 

Ушбу дастак амалдаги вазифа жиҳатидан, ташкилий, иқтисодий ва ҳудудий таснифлар, шунингдек бюджет тизими бюджетлари маблағларининг манбалари ва даражалари таснифи билан бир қаторда қўлланилади;

 

иккинчидан, бюджетноманинг мазмунига бирмунча тузатиш киритилди. Энди у қуйидагиларни ҳам ўз ичига олади:

  • мамлакатни ижтимоий-иқтисодий ривожлантиришнинг ўрта муддатли давр учун асосий йўналишлари ва прогноз йилдан кейин келувчи икки йилга оид бюджет мўлжаллари (бу ерга қаранг);  
  • фискал таваккалчиликлар, яъни бюджет жараёни иштирокчилари учун бюджет тизими бюджетлари маблағларини шакллантириш ва сарфлашда молиявий ресурслардаги йўқотишларни баҳолаш;
  • «Фуқаролар учун бюджет» ахборот нашри, у ҳақда илгари ёзган эдик (2018 йилги нашр билан танишиб чиқиш ҳам мумкин).

 

Давлат бюджети ва давлат мақсадли жамғармалари бюджетларининг, солиқ ва бюджет сиёсати асосий йўналишларининг лойиҳалари, шунингдек уларнинг ижроси тўғрисидаги ҳисоботлар Қонунчилик палатасига юборилишидан олдин мажбурий равишда жамоатчилик муҳокамасига қўйилади. Молия вазирлиги томонидан ишлаб чиқиладиган «Фуқаролар учун бюджет» параллель равишда эълон қилинади.

 

Кодексга айрим бошқа ўзгартишлар ҳам киритилди. Уларнинг аксарияти мувофиқлаштириш тусига эга. Хусусан, бу давлат мақсадли жамғармаларига мажбурий ажратмалар (бу ерга қаранг), ўсимлик ёғи учун акциз солиғи бекор қилиниши (бу ерга қаранг), шунингдек бензин, дизель ёқилғиси ва газ ишлатганлик учун олинадиган солиқ акциз солиғига алмаштирилиши билан боғлиқ (бу ерга қаранг) ва ҳ.к.

 

Қонун «Халқ сўзи» газетасида чоп этилган ва 1.01.2019 йилдан кучга киради.

 

Олег Заманов.

В этой теме действует премодерация комментариев.
Вы можете оставить свой комментарий.

info! Оставляя свой комментарий на сайте, Вы соглашаетесь с нашими Правилами их размещения.
Гость_