Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Кому нужно вести Журнал учета счетов-фактур – читать на buxgalter.uzКогда неподписанные ЭСФ будут подтверждены – читать на buxgalter.uzГНК разъяснил: как стать налоговым резидентом досрочно – читать на buxgalter.uzЧто делать, если работница не хочет уходить в декрет – читать на buixgalter.uzЧто делать, если счет-фактуру не выставили в срок – читать на buxgalter.uzМинфин рекомендует: как правильно учитывать скидки – читать на buxgalter.uzКак получить валюту за экспорт через интернет – читать на buxgalter.uz

ХАЛИКК–2017 яна кенгайтирилди

03.08.2020

Читать на русском языке

 

Хизматчиларнинг асосий лавозимлари классификаторига ўзгартириш ва қўшимчалар киритилди (29.07.2020 йилда 3279-сон билан рўйхатдан ўтказилган ҳужжатга қаранг).

 

Биринчидан, рўйхатга кадрлар бўлими инспектори, криминалист, медиатор (медиация бўйича мутахассис), полиграфолог, суд эксперти ва тьютор[1] лавозимлари киритилди.

 

Иккинчидан, айрим лавозимларга маълумотнинг энг паст даражаси бўйича қўйиладиган талабларга тузатишлар киритилди. Натижада ўрта махсус касбий маълумотга эга бўлганлар қуйидаги лавозимларда ишлаши мумкин:

  • андеррайтер[2];
  • улгуржи савдо корхонаси директори (мудири);
  • ўқув курси комбинати (пункти) директори;
  • инвестиция воситачиси (маркет-мейкер);
  • бош давлат ижрочиси.

 

Учинчидан, уларнинг битирувчилари кадрлар бошқармаси (бўлими) бошлиғи бўлиб ишлашлари мумкин бўлган таълим йўналишлари кенгайтирилди. Энди олий юридик маълумотга эга бўлган шахслар ушбу лавозимда фаолият юритишлари мумкин (илгари – фақат «Кадрлар менежменти» таълим йўналиши учун эди, таҳр. изоҳи).

 

Эслатиб ўтамиз, ХАЛИКК–2017:

а) хизматчилар лавозимлари ва ишчилар касблари номларидан фойдаланиш юзасидан – ходимларнинг меҳнат дафтарчаларига ёзувларни қайд этишда, меҳнат шартномалари тузишда, буйруқларни расмийлаштиришда, хизматчиларнинг лавозимларини ходимлар тоифаларига киритишда мажбурий ҳисобланади;

б) ишга қабул қилишда ходимлар маълумотининг энг паст даражаси ишчилар касблари бўйича малака разрядларини белгилаш юзасидан:

  • давлат корхоналари, муассасалари ва устав капиталида давлат улуши 50%дан ортиқ бўлган ташкилотларда қўлланилиши мажбурий ҳисобланади;
  • бошқа ташкилотлар учун – тавсия тусига эга;

в) таълим йўналишлари – барча ташкилотлар учун тавсия тусига эга.

 

Ҳужжат Қонун ҳужжатлари маълумотлари миллий базасида эълон қилинган ва 29.07.2020 йилдан кучга кирди.

 

Олег Заманов.  

 


[1] Тьютор – масофавий шаклда ўрта махсус, касбий таълим тизимида раҳбар ва педагог ходимларни қайта тайёрлаш доирасида фаолият юритувчи ўқитувчи-консультант (Ўрта махсус, касбий таълим тизимида раҳбар ва педагог ходимларни қайта тайёрлаш ва малакасини ошириш тўғрисидаги низомга қаранг).

[2] Андеррайтер – шартнома шартлари асосида эмитент қимматли қоғозларини чиқарилишини ташкиллаштириш ва /ёки кафолатли жойлаштириш бўйича хизматлар кўрсатувчи инвестиция воситачиси ёки тижорат банки (Қимматли қоғозлар бозорида андеррайтинг фаолияти тўғрисидаги низомга қаранг).