Президентнинг 13.11.2017 йилдаги ПҚ–3383-сон «Ўзбекистон Республикаси Ташқи иқтисодий фаолият миллий банки фаолиятини янада такомиллаштиришга оид чора-тадбирлар тўғрисида»ги қарори эълон қилинди.
Эслатиб ўтамиз, яқинда Ташқи иқтисодий фаолият миллий банкининг устав жамғармаси миқдори кўпайтирилган эди. Бу ҳақда батафсил – бу ерда.
Ҳужжатда Ўзмиллийбанкнинг ташқи иқтисодий фаолият, кичик бизнес ва хусусий тадбиркорликни қўллаб-қувватлаш ҳамда чакана банк хизматлари кўрсатиш соҳаларидаги фаолиятининг асосий йўналишлари белгиланган.
Бундан ташқари, Ўзмиллийбанкка мамлакатимизнинг иқтисодий ҳамкори бўлган хорижий мамлакатларда ваколатхоналар, филиаллар, шўъба банклар ташкил этиш ва депозитлар сифатида Давлат бюджети маблағларини жалб этиш ҳуқуқи берилди.
Икки ой ичида банк Уставининг янги таҳрири (амалдагиси 1993 йилда тасдиқланган) ва банк Кенгашининг янгиланган шахсий таркиби тасдиқланади.
Ҳужжат Қонун ҳужжатлари маълумотлари миллий базасида расман эълон қилинган ва 13.11.2017 йилда кучга кирди.
Мазкур ҳужжатнинг матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.
Олег Заманов,
экспертимиз.
