Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Новое на buxgalter.uzКакие налоговые последствия возникают, если транспортные услуги оказал поставщик из Китая Как определить расходы по контролируемой задолженности Если налоговики предлагают внести изменения в строку «себестоимость» отчета по налогу на прибыль Как учитывать дебиторскую задолженность – Buxgalter Pro

Ижтимоий ҳимояни ривожлантириш институти ташкил этилди

09.10.2023

Читать на русском языке

Вазирлар Маҳкамасининг 30.09.2023 йилдаги «Ўзбекистон Республикаси Президенти ҳузуридаги Ижтимоий ҳимоя миллий агентлиги ҳузуридаги Ижтимоий ҳимояни ривожлантириш институти ва Ижтимоий ҳимоя тизими ходимларининг малакасини ошириш маркази фаолиятини ташкил этиш чора-тадбирлари тўғрисида»ги 518-сон қарори қабул қилинди.


Президентнинг «Аҳолига сифатли ижтимоий хизмат ва ёрдам кўрсатиш ҳамда унинг самарали назорат тизимини йўлга қўйиш бўйича комплекс чора-тадбирлар тўғрисида» 2023 йил 1 июндаги ПФ-82-сон Фармонига мувофиқ Ўзбекистон Республикаси Президенти ҳузурида Ижтимоий ҳимоя миллий агентлиги, унинг Қорақалпоғистон Республикаси, вилоятлар ва Тошкент шаҳар бошқармалари ҳамда туман (шаҳар)ларда «Инсон» ижтимоий хизматлар марказлари ташкил этилди.

 

Агентлик ҳузурида Ижтимоий ҳимоя тизими ходимларининг малакасини ошириш маркази ва Ижтимоий ҳимояни ривожлантириш институтини ташкил этиш назарда тутилган. Ҳужжат билан Марказ ва Институтнинг ташкилий тузилмаси тасдиқланди.

 

Институт – аҳолини ижтимоий ҳимоя қилиш соҳасидаги илмий тадқиқотлар ўтказиш, ижтимоий ҳимоя тизимини такомиллаштириш бўйича илмий асослантирилган самарали ва истиқболли таклифлар ишлаб чиқиш бўйича давлат муассасаси ҳисобланади.

 

Марказ Агентлик томонидан вазирлик ва идораларнинг мувофиқлаштириладиган ҳамда назорат қилинадиган фаолият йўналишларидаги ходимлари малакасини ошириш учун ҳамда оилавий болалар уйларини ташкил этиш учун тутинган ота-оналарни тайёрлаш курсларини ташкил этиш бўйича давлат муассасаси ҳисобланади.

 

Қуйидагилар Институт фаолиятини молиялаштириш манбалари ҳисобланади:

  • республика бюджети маблағлари;
  • илмий-тадқиқот лойиҳаларини амалга ошириш учун Олий таълим, фан ва инновациялар вазирлиги томонидан ўтказиладиган танловлар натижаларига кўра ажратиладиган грантлар;
  • халқаро грантлар, шартнома асосида хизматлар кўрсатишдан тушадиган тушумлар;
  • жисмоний ва юридик шахсларнинг ҳомийлик хайриялари;
  • қонунчилик ҳужжатлари билан тақиқланмаган бошқа манбалар.

 

Марказ қуйидагилар ҳисобидан молиялаштирилади:

  • республика бюджети маблағлари;
  • тўлов-контракт асосида ўқитишдан тушадиган маблағлар;
  • халқаро грантлар, шартнома асосида хизматлар кўрсатишдан тушадиган тушумлар;
  • жисмоний ва юридик шахсларнинг ҳомийлик хайриялари;
  • қонунчилик ҳужжатлари билан тақиқланмаган бошқа манбалар.

 

Ҳужжат Қонун ҳужжатлари маълумотлари миллий базасида эълон қилинган ва 03.10.2023 йилдан кучга кирди.


Лола Абдуазимова.