20 апрель куни Президент томонидан “Иккинчи жаҳон уруши қатнашчиларини рағбатлантириш тўғрисида”ги Фармон имзоланди. Ҳужжат ЎзАда эълон қилинган.
Мамлакатимизда 9 май умумхалқ байрами – Хотира ва Қадрлаш куни ўтказилиши муносабати билан моддий рағбатлантириш мақсадида Иккинчи жаҳон уруши қатнашчилари ва ногиронларига 12 000 000 сўм миқдорида бир марталик пул мукофоти тўланади.
Мазкур Фармонни бажариш билан боғлиқ бўлган сарф-харажатлар Ўзбекистоннинг республика бюджети маблағлари ҳисобидан амалга оширилади.
Ҳужжат билан Мудофаа вазирлиги, Ички ишлар вазирлиги, Давлат хавфсизлик хизмати, Молия вазирлиги, Маҳалла ва оилани қўллаб-қувватлаш вазирлигига пул мукофотининг тантанали топширилишини таъминлаш топширилди.
Наргиза Воҳидова.
