Бу Президентнинг 30.07.2021 йилдаги “Кам таъминланган ва ижтимоий ҳимояга муҳтож оилалар фарзандларини қўллаб-қувватлашнинг қўшимча чора-тадбирлари тўғрисида”ги ПҚ-5204-сон қарорида назарда тутилган.
Ҳужжатга асосан 2021 йил августда 500 минг сўм миқдорида бир марталик моддий ёрдам кўрсатилади:
- боқувчисини йўқотганлик пенсияси ёки нафақасини олувчи оилаларнинг 18 ёшга тўлмаган фарзандларига;
- ногиронлиги бўлган 18 ёшга тўлмаган болаларга.
Пул маблағлари туман (шаҳар) маҳалла ва оилани қўллаб-қувватлаш бўлимлари орқали жорий йил 25 августга қадар етказилади.
Қорақалпоғистон Вазирлар Кенгаши Раиси, вилоятлар, Тошкент шаҳар, туман (шаҳар) ҳокимлари, сектор раҳбарлари ҳамда Маҳалла ва оилани қўллаб-қувватлаш вазирлигининг ҳудудий бўлинмалари раҳбарлари "Темир дафтар"га киритилган оилаларнинг 18 ёшгача бўлган фарзандлари сонидан келиб чиқиб, тўлов ведомостлари шакллантирилиши ҳамда уларга пул маблағларининг манзилли етказилишини таъминлаш ва назорат қилиш бўйича шахсан масъул этиб белгиланди.
Ҳужжат Қонун ҳужжатлари маълумотлари миллий базасида эълон қилинган ва 31.07.2021 йилдан кучга кирди.
Эльмира Сиразиева.
