Марказий банк Бошқаруви қарори билан Ваколатли банклар томонидан хорижий валютадаги ҳисобварақларни юритиш тартибига тузатишлар киритилди. Бу ҳақда МБ сайтида хабар берилади.
Ҳужжат ҳисобварақ эгасига хорижий валюта нақд шаклда берилиши мумкин бўлган икки ҳолат билан тўлдирилди:
- фермер хўжаликларининг валюта ҳисобварақларида бўлган суммалар – ҳисобварақ эгасининг фармойишига мувофиқ;
- юридик шахс ташкил этмаган ҳолда тадбиркорлик фаолиятини амалга оширадиган жисмоний шахслар–резидентларнинг (якка тартибдаги тадбиркорлар) валюта ҳисобварақларидан маблағлар.
Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.
Олег Заманов,
экспертимиз.
