Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Новое на buxgalter.uzО чем говорит коэффициент разрыва по НДС Сколько инвентаризаций вы можете провести и сколько – обязаны Какой должен быть порядок проведения налогового контроля сделок при трансфертном ценообразовании Как компенсировать неиспользованные отпуска, если сотрудник не увольняется

Маҳалла ва нуронийларни қўллаб-қувватлаш вазирлигининг тузилмасида 1 257 нафар ходим ишлайди

04.03.2022

Читать на русском языке

Президентнинг 1.03.2022 йилдаги «Маҳалла ва нуронийларни қўллаб-қувватлаш вазирлиги фаолиятини ташкил этиш тўғрисида»ги ПҚ-147-сон қарори қабул қилинди.

 

Президентнинг 1.03.2022 йилдаги «Оила ва хотин-қизлар билан ишлаш, маҳалла ва нуронийларни қўллаб-қувватлаш тизимини такомиллаштириш чора-тадбирлари тўғрисида»ги ПФ-81-сон Фармонига мувофиқ қуйидагилар тасдиқланди:

  • Маҳалла ва нуронийларни қўллаб-қувватлаш вазирлигининг ташкилий тузилмаси;
  • Давлат бюджетидан молиялаштириладиган бошқарув ходимларининг умумий чекланган сони:

- 54 нафар штат бирлигидан иборат Вазирлик марказий аппаратининг тузилмаси;

- 168 нафар штат бирлигидан иборат вилоят бошқармаларининг намунавий тузилмаси;

- 1 035 нафар штат бирлигидан иборат туман (шаҳар) бўлимларининг намунавий тузилмаси.

 

2022 йил 1 майдан бошлаб маҳалла раисининг ойлик иш ҳақи миқдори у бириктирилган маҳалладаги хонадонлар сонига мутаносиб равишда қуйидагича белгиланди:

  • хонадонлар сони 500 тагача бўлганда – МҲЭКМнинг 4 баравари миқдорида;
  • 501 тадан 1 000 тагача бўлганда – МҲЭКМнинг 4,5 баравари миқдорида;
  • 1 000 тадан ортиқ бўлганда – МҲЭКМнинг 5 баравари миқдорида.

 

Фаолият самарадорлиги кўрсаткичларидан келиб чиқиб, маҳалла раисларини қўллаб-қувватлаш мақсадида меҳнатга ҳақ тўлаш жамғармасининг 15%и миқдорида моддий рағбатлантириш жамғармаси шакллантирилади.

 

Ҳужжат Қонун ҳужжатлари маълумотлари миллий базасида эълон қилинган ва 2.03.2022 йилдан кучга кирди.

 

Лола Абдуазимова.