Неверный логин или пароль
x
На ваш почтовый ящик отправлены инструкции по восстановлению пароля
x

Ногиронлиги бўлган шахс бошқаришга рухсатномани қандай олиши мумкин

16.05.2018

Соғлиқни сақлаш вазирлиги ва ИИВнинг қарори (12.05.2018 йилда 2472-1-сон билан рўйхатдан ўтказилган) билан ногиронлиги бўлган шахсларни махсус ускуналар билан қайта жиҳозланган ва автомат узатгичли енгил транспорт воситаларини бошқариш учун тиббий кўрикдан ўтказиш тартиби белгиланган.  

 

Эслатиб ўтамиз, транспортни бошқариш учун тиббий кўрикдан ўтишнинг умумий тартиби Ҳайдовчи ва ҳайдовчиликка номзодларни транспорт воситаларини бошқаришга яроқлилигини текшириш учун тиббий кўрикдан ўтказиш тартиби тўғрисидаги низом билан белгиланган. Тиббий кўрикдан ўтказиш давлат ДПМ қошида ташкил этиладиган тиббий ҳайдовчилик комиссиялари томонидан амалга оширилади, унинг натижалари бўйича бошқаришга рухсат бериш тўғрисидаги 083/ҳ шаклдаги тиббий маълумотнома берилади.

 

Киритилган қўшимчаларда белгиланишича, ногиронлиги бўлган шахсларга рухсатнома тиббий меҳнат эксперт комиссиясининг (бундан кейин – ТМЭК) хулосаси асосида берилади. ТМЭК томонидан кўрикдан ўтказиш жараёнида қўл-оёқларида нуқсони бўлган шахсларнинг енгил транспортни бошқаришга яроқлилиги аниқланади. Бунда қайта жиҳозланган (қўл билан бошқариладиган) ва автомат узатгич ёрдамида автомобилни бошқаришга доир аниқ тиббий кўрсатмалар санаб ўтилган.

 

Кўрсатилган шахслар хулоса олиш учун турар жойдаги ТМЭКга мурожаат қилишлари керак. Тиббий кўрикдан ўтказиш бепул амалга оширилади. Уни ўтказиш муддати – 3 календарь кунидан ошмайди. Мураккаб, қўшимча тиббий кўрик талаб этилганда бу муддат 14 календарь кунига узайтирилиши мумкин.

 

Кўрикдан ўтказиш натижаларига кўра хулоса расмийлаштирилади, у бошқа ҳужжатлар билан бирга бошқаришга яроқлилик тўғрисида тиббий маълумотнома олиш учун ҳайдовчилик комиссиясига тақдим этилади. Бунда тиббий маълумотнома фақат «В» тоифасидаги шахсий транспорт воситасини бошқариш учун берилади.

 

Ҳужжат Қонун ҳужжатлари маълумотлари миллий базасида эълон қилинган ва 14.05.2018 йилдан кучга кирди. 

 

Мазкур ҳужжатнинг тўлиқ матни, шарҳлар ва у билан боғлиқ бошқа қонун ҳужжатларига ҳаволалар билан «Ўзбекистон Республикаси қонун ҳужжатлари» ахборот-қидирув тизимида танишиш мумкин.

 

Ленара Хикматова.



 

В этой теме действует премодерация комментариев.
Вы можете оставить свой комментарий.

info! Оставляя свой комментарий на сайте, Вы соглашаетесь с нашими Правилами их размещения.
Гость_

Курс валют

2018-12-18
  • USD:8325.59 (+12.95) сум
  • EUR:9413.74 (--42.72) сум
  • RUB:124.70 (--0.52) сум