Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Новое на buxgalter.uz Как закрыть 2024 год без ошибок: чек-лист Изменения в оценке вкладов в уставный фонд: что нужно знать бизнесу Как заполнить Расчет НДФЛ и социального налога строительной организации

Нотариуслар ва ФҲДЁ хизматлари учун ҳақ тўлаш қулайлашади

18.07.2018

Читать на русском языке

Вазирлар Маҳкамасининг 16.07.2018 йилдаги «Нотариал ҳаракатлар ва ФҲДЁ органлари хизматлари учун тўловларни амалга оширишда интерактив хизматларни жорий этишни кенгайтириш чора-тадбирлари тўғрисида»ги 540-сон қарори эълон қилинди.

 

Ҳужжатга мувофиқ, нотариал хизматлар ва ФҲДЁ органлари хизматлари учун тўловларни амалга оширишда интерактив ахборот-коммуникация воситалари, шу жумладан банкомат, терминал, инфокиоск ва мобиль иловалар жорий қилинади.

 

Тижорат банклари нотариуслар ва ФҲДЁ органлари ундирадиган ҳамда банкларнинг нотариал идоралар ва ФҲДЁ органлари бинолари ва хоналарида очилган махсус кассалари орқали тушаётган давлат божи тўловлари суммасининг бир фоизи миқдорида мукофот оладилар.

 

Шунингдек нотариал идоралар ва ФҲДЁ органлари биносида махсус кассалар ва тўлов пунктлари очилганлиги учун тижорат банклари ва тўлов пунктлари агентлик тармоқлари ижара тўлови, коммунал ва эксплуатацион хизматлар тўловларидан озод қилинади, коммунал ва эксплуатацион хизматлар харажатлари кейинчалик адлия органлари ва маҳаллий давлат ҳокимияти органлари маблағлари ҳисобига қопланади.

 

Банкларга қуйидагилар тавсия этилди:

  • нотариал идоралар ва ФҲДЁ органлари бинолари ва хоналарида очилган махсус кассалар иш режимини тегишли равишда нотариал идоралар ва ФҲДЁ органлари иш режими билан мувофиқлаштириш, шунингдек уларни банк пластик карталаридан тўловларни қабул қилиш бўйича ҳисоб-китоб терминаллари билан жиҳозлаш;
  • нотариал идоралар ва ФҲДЁ органлари бинолари ва хоналарида очилган махсус кассаларнинг юқори тезликдаги жаҳон Интернет тармоғига уланишини таъминлаш.

 

Ҳужжат Қонун ҳужжатлари маълумотлари миллий базасида эълон қилинган ва 16.07.2018 йилдан кучга кирди.

 

 

В этой теме действует премодерация комментариев.
Вы можете оставить свой комментарий.

info! Оставляя свой комментарий на сайте, Вы соглашаетесь с нашими Правилами их размещения.
Гость_