Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Налоговые льготы для средних и крупных предприятий – читать на buxgalter.uzКак исправить ошибки в налогообложении матпомощи, выплаченной в 2019 году – читать на buxgalter.uzКакие проблемы по онлайн-кассам не будут решены в ближайшее время – читать на buxgaltyer.uzЧтобы получить льготы по №УП-5978, не нужно ничего делать – читать на buxgalter.uzЧто не так с новой формой расчета НДС (10006_14) – читать на buxgalter.uz Как определить, имеете ли вы право на льготы для малых предприятий в 2020 году – читать на buxgalter.uzРаботаем с ЕНСТ: 10 наиболее часто задаваемых вопросов – читать на buxgalter.uzЧто делать с амортизацией и арендной платой при производственном простое – читать на buxgalter.uz

Нукусда клиникага эга тиббиёт институти ташкил этилади

17.02.2020

Читать на русском языке

 

ТошПТИ Нукус филиалининг негизида Қорақалпоғистон тиббиёт институти ва институт клиникаси – тегишинча, давлат ОТМ ва тиббиёт муассасаси ташкил этилади. Бу Президентнинг 14 февралдаги қарорида назарда тутилган.

 

Институтга қабул ҳар йили белгиланадиган олий таълим муассасаларига ўқишга қабул қилишнинг давлат буюртмаси параметрлари доирасида амалга оширилади. ТошПТИ Нукус филиалининг барча талабалари институтнинг мос таълим йўналиши ва мутахассисликларига ўтказилади ҳамда битирувчи курс талабаларига институт дипломи берилади.

 

Институт ректори бюджетдан ташқари маблағлар ҳисобидан институт клиникаси ва ўқув базаларидаги ўқув хоналарини таъмирлаш, жиҳозлаш ва моддий-техник базасини мустаҳкамлаш, шунингдек  институт клиникаси билан ўзаро шартномалар асосида пуллик асосда тиббий хизматлар кўрсатиш бўлинмаларини ташкил этишга ҳақли.

 

Институт клиниканинг муассиси ҳисобланади ҳамда унинг фаолиятини мувофиқлаштиради. Клиниканинг бош шифокори яширин овоз бериш йўли орқали институт илмий кенгашининг тақдимномасига кўра, соғлиқни сақлаш вазири томонидан лавозимга тайинланади ва лавозимдан озод этилади.

 

Клиникада:

  • Соғлиқни сақлаш вазирлиги томонидан тасдиқланган диагностика ва даволаш стандартларига риоя қилган ҳолда имтиёзли тоифага кирувчи беморларга ордер бериш, уларни шифохонага жойлаштириш ва давлат бюджети маблағлари ҳисобига даволаш қийматини тўлаш, шунингдек, аҳолига пуллик асосда юқори малакали ихтисослаштирилган тиббий ёрдам кўрсатиш;
  • шошилинч тиббий ёрдамга муҳтож беморларни шифохонага жойлаштириш;
  • республика ихтисослаштирилган тиббиёт марказлари даромадларини шакллантиришнинг асосий манбалари ва улар фаолиятини молиялаштириш бўйича норматив-ҳуқуқий ҳужжатларда белгиланган қоидалар амал қилади.

 

Давлат бюджети маблағлари клиникага Соғлиқни сақлаш вазирлиги томонидан ҳақиқатда имтиёзли даволанган беморлар бўйича тақдим этилган чораклик ҳисоботлардан келиб чиққан ҳолда ажратилади.

 

Олег Заманов.