Неверный логин или пароль
x
На ваш почтовый ящик отправлены инструкции по восстановлению пароля
x

Оилавий корхоналар кредит таъминоти ҳақида қайғурмасалар ҳам бўлади

27.03.2017

Президентнинг 17.03.2017 йилдаги ПҚ–2844 Қарори билан янги рўйхатдан ўтган юридик шахс ташкил этмаган тадбиркорлик субъектлари ва кенг аҳоли қатламига микрокредитлар ажратиш механизми соддалаштирилди.

Микрокредитлаш шартлари қуйидагича:

  • ЭКИҲнинг 20 баробаригача – фаолиятни амалга ошириш учун олинган товарларнинг гаров сифатидаги таъминоти билан;
  • ЭКИҲнинг 60 баробаригача – қонун ҳужжатларида назарда тутилган таъминот турлари билан бир қаторда фуқароларнинг ўзини ўзи бошқариш органларининг кафиллиги асосида;
  • ЭКИҲнинг 100 баробаригача – узоқ ва бориш қийин бўлган, шунингдек меҳнат ресурслари ортиқча бўлган ҳудудларда Имтиёзли кредит бериш махсус жамғармаси ҳисобидан.

 

Бундан ташқари, 1.01.2021 йилгача рўйхатдан ўтган ва алоҳида фаолият  турлари билан шуғулланадиган тадбиркорлар микрокредитларни расмийлаштиришда (ЭКИҲнинг 20 ёки 60 баробаригача) 6 ой муддатга қатъий белгиланган солиқ тўловларидан озод этилади.

 

Аммо улар давлат рўйхатига олинган кундан эътиборан 12 ой ичида тугатилса ёки 3 ёхуд ундан кўп ой муддатга фаолиятини тўхтатса, фаолият кўрсатган даври учун қатъий белгиланган солиқларни тўлайди.

 

Маҳаллий давлат ҳокимияти органларига кредит ҳисобидан сотиб олинадиган қорамол, қўй-эчки, қуён, парранда, балиқ, асалари уяси, мевали дарахт ва ток кўчатлари, уруғ, минерал ўғит, ўсимликларни кимёвий ҳимоя қилиш воситалари, маиший техника, ускуналар, қурилиш материаллари ва бошқа товарларни ҳеч қандай чекловларсиз нақд пулсиз ҳисоб-китоб йўли билан етказиб беришни ташкил этишга кўмаклашиш топширилди.

 

 

Мазкур ҳужжатнинг матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.

 

 

Олег ЗАМАНОВ, 
 экспертимиз.