Олий таълим, фан ва инновациялар вазирининг буйруғи (03.04.2026 й. АВ рўйхат рақами 3807-сон) билан Олий таълим тўғрисидаги низом янги таҳрирда тасдиқланди.
Хусусан, қуйидаги шаклларда таълим олиш муддати кундузги таълим шаклига нисбатан узоқроқ бўлиши белгиланди:
- сиртқи шаклда – камида 1 йилга;
- кечки шаклда – камида ярим йилга.
Олий таълим кундузги, масофавий, дуал, инклюзив ва бошқа шаклларда амалга оширилади.
Таълим жараёнининг ўзи Европа кредитларни ўтказиш ва жамғариш тизимига (ECTS) мослаштирилган миллий кредит-модуль тизимига асосланган.
Олий таълим ташкилотларига академик, ташкилий ва молиявий мустақиллик берилади.
Ҳужжат Қонун ҳужжатлари маълумотлари миллий базасида давлат тилида эълон қилинган ва 06.04.2026 йил кучга кирди.
Лола Абдуазимова
