Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Как отразить освобождение в Расчете земельного налога для сельхозтоваропроизводителей – читать на buxgalter.uzКак отразить освобождение в Расчете по налогу с оборота – читать на buxgalter.uzПочему нужно пересмотреть сроки признания реализации – читать на buxgalter.uzМожно ли нанять бухгалтера по срочному договору? – читать на buxgalter.uzКак отразить займы по МСФО – читать на buxgalter.uz

ОТБ иштирокидаги лойиҳалар параметрлари тасдиқланди

10.07.2020

Читать на русском языке

Вазирлар Маҳкамаси 7.07.2020 йилдаги “Осиё тараққиёт банки иштирокида “Ўзбекистон Республикасида шаҳарларни ривожлантириш лойиҳаларини тайёрлашни молиялаштириш” лойиҳасини амалга ошириш чора-тадбирлари тўғрисида”ги 426-сон қарорни қабул қилди.

 

Беш йиллик имтиёзли даврни ўз ичига олган 25 йилда қайтариш шарти билан $15 млн миқдорида қарз бериш тўғрисида қарз битими 2019 йил 13 ноябрда имзоланган. Лойиҳанинг умумий қиймати $16,76 млн ни ташкил этади. Улардан: ОТБ қарзи - $15 млн, Ўзбекистон Республикасининг улуши (солиқ имтиёзлари ҳисобидан) - $1,76 млн. Лойиҳани амалга ошириш даври - 4 йил - 2020-2023 йиллар.

 

Лойиҳа доирасида қуйидаги инвестиция лойиҳаларини тайёрлаш назарда тутилган:

  • Тошкент вилояти шаҳар ва туманларининг ичимлик сув ва канализация тизимини реконструкция ва қуриш лойиҳаси (фаза 3) - лойиҳа ташаббускори Уй-жой коммунал хизмат кўрсатиш вазирлиги;
  • Ичимлик сув ва оқова сув таъминотини ривожлантириш дастури - лойиҳа ташаббускори Уй-жой коммунал хизмат кўрсатиш вазирлиги;
  • Шаҳарларни комплекс ривожлантириш дастури - лойиҳа ташаббускори Инвестициялар ва ташқи савдо вазирлиги.

 

Қуйидагилар:

  • “Ўзбекистан Республикасида шаҳарларни ривожлантириш лойиҳаларини тайёрлашни молиялаштириш” лойиҳасининг асосий кўрсаткичлари;
  • “Ўзбекистан Республикасида шаҳарларни ривожлантириш лойиҳаларини тайёрлашни молиялаштириш” лойиҳаси бўйича Осиё тараққиёт банки қарзини қайтариш ва фоизларни тўлашнинг прогноз жадвали тасдиқланди.

 

Белгиланишича, Уй-жой коммунал хизмат кўрсатиш вазирлиги ҳузуридаги “Коммунхизмат” агентлиги ва “Ўзсувтаъминот” АЖ - уй-жой коммунал хизмат курсатиш соҳасидаги лойиҳаларнинг, Инвестициялар ва ташқи савдо вазирлиги ҳузуридаги Инвестиция лойиҳаларини ишлаб чиқиш маркази  -“Шаҳарларни комплекс ривожлантириш дастури” лойиҳасининг ўз вақтида амалга оширилиши, ОТБ қарзларидан мақсадли ва самарали фойдаланиши учун масъул бўлган ижро этувчи органлар ҳисобланади.

 

ОТБ қарзларини қайтариш ва фоизларни тўлаш муддатлари ва манбалари белгиланди.

 

Ҳужжат Қонун ҳужжатлари маълумотлари миллий базасида эълон қилинган ва 08.07.2020 йилдан кучга кирди.

 

Баҳодир Қаюмов.