Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Как отразить освобождение в Расчете земельного налога для сельхозтоваропроизводителей – читать на buxgalter.uzКак отразить освобождение в Расчете по налогу с оборота – читать на buxgalter.uzПочему нужно пересмотреть сроки признания реализации – читать на buxgalter.uzМожно ли нанять бухгалтера по срочному договору? – читать на buxgalter.uzКак отразить займы по МСФО – читать на buxgalter.uz

Пахта-тўқимачилик кластерлари ҳузурида илмий марказлар ташкил этилади

26.06.2020

Читать на русском языке

21 кластер ҳузурида ташкил этиладиган бундай марказлар пахтачиликда инновациялар ва илмий-техника ютуқларини жорий этиш билан шуғулланади, бу Вазирлар Маҳкамасининг 22.06.2020 йилдаги «Пахта-тўқимачилик ишлаб чиқаришини янада ривожлантириш чора-тадбирлари тўғрисида»ги 397-сон қарорида белгиланган.

 

Илмий марказларнинг фаолияти олий таълим ва илмий муассасалар билан ҳамкорликда пахтачиликдаги долзарб муаммоларнинг илмий ечимига қаратилган тадқиқот ва тажриба-конструкторлик ишларини йўлга қўйиш, илм-фан янгиликлари ва ресурсларни тежайдиган инновацион технологияларни жорий этиш орқали ерлардан самарали фойдаланиш ва маҳсулот ишлаб чиқаришни кўпайтиришга йўналтирилади.

 

Қарор билан кластерлар рўйхати тасдиқланган, 2023 йилга қадар республика вилоятлари кесимидаги кластерлар ҳузурида илмий марказлар ташкил этилади.

 

Инновацион ривожланиш вазирлигига уч ой муддатда илмий марказлар билан ҳамкорликда фаолият юритадиган олий таълим ва илмий муассасалар томонидан шакллантириладиган мавзулар доирасида 2021 йил учун мақсадли танловлар эълон қилиш ҳамда белгиланган тартибда илмий лойиҳаларни молиялаштириш учун маблағлар ажратиш чораларини кўриш топширилди.

 

Ҳужжат Қонун ҳужжатлари маълумотлари миллий базасида эълон қилинган ва 23.06.2020 йилдан кучга кирди.

 

Лола Абдуазимова.