Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Как Курбан-Хайит влияет на расчет рабочего времени в 2020 году – читать на buxgalter.uz Как расплатиться с оператором ЭСФ на «картотеке» или сменить его – читать на buxgalter.uzМеняется регулирование внешнеторговых операций – читать на buxgalter.uzМожно ли уволиться прямо «из отпуска»? – читать на buxgalter.uz

Пахтани етиштирувчилар ва қайта ишловчилар кооперация асосида бирлашиши мумкин

24.06.2020

Читать на русском языке

Вазирлар Маҳкамаси томонидан 22.06.2020 йилдаги “Пахта хом ашёсини етиштириш ва қайта ишлаш кооперациялари фаолиятини ташкил этиш чора-тадбирлари тўғрисида” 398-сон қарор қабул қилинди, деб хабар берилди Адлия вазирлигининг Телеграм-каналида.

 

Президентнинг 06.03.2020 йилдаги ПҚ-4633-сон қарорида белгиланган вазифаларни бажариш доирасида Фермер хўжаликларининг ихтиёрий бирлашиши асосида пахта хом ашёсини етиштириш ва қайта ишлаш кооперациялари фаолиятини ташкил этиш тўғрисидаги низом тасдиқланди.

 

Кооперацияга пахта-тўқимачилик ишлаб чиқаришлари ва кластерлари ташкил этилмаган ҳудудлардаги фермерлар – пахта хом ашёси етиштирувчилар, пахта тозалаш корхоналари  ва пахта экспорт қилувчи корхоналар ихтиёрий равишда аъзо бўлади.

 

Ҳукуматнинг тегишли қарорларида пахта-тўқимачилик ишлаб чиқаришлари ва кластерларига белгиланган имтиёзлар кооперациялар учун ҳам татбиқ этилади.

 

Ҳужжатга мувофиқ:

  • Қишлоқ хўжалиги вазирлиги Давлат активларини бошқариш агентлиги билан биргаликда пахта тозалаш корхоналарининг ишлаб чиқариш фаолиятида фойдаланилмаётган бўш ер майдонларини маҳаллий давлат ҳокимияти органларининг захирасига ўтказилишини таъминлайди;
  • Қорақалпоғистон Вазирлар Кенгаши, вилоятлар ва туманлар ҳокимлари кооперациялар ва пахта етиштирувчи фермер хўжаликларини уруғлик, минерал ўғитлар, ёнилғи-мойлаш маҳсулотлари ҳамда бошқа моддий-техника ресурслари билан таъминлаш чора-тадбирларини кўради;
  • кооперациялар пахтани қабул қилиб олиш, саралаш, сақлаш, қайта ишлаш ва тайёр маҳсулотни экспорт қилиш бўйича самарали иш юритиш тизимини жорий қилади.

 

Ҳужжат Қонун ҳужжатлари маълумотлари миллий базасида эълон қилинган ва 23.06.2020 йилдан кучга кирди.