Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Как превратить частное предприятие в общество с ограниченной ответственностью – читать на buxgalter.uz Номенклатура товаров: «колбаса» или «kolbasa»? – читать на buxgalter.uzКакой метод списания ТМЗ выгоднее – читать на buxgalter.uzЗачем плательщиков общеустановленных налогов будет обслуживать новое управление? – читать на buxgalter.uzКак заполнить налоговую отчетность для получения льгот – читать на buxgalter.uzКак пенсию и зарплату получать на одну карту – читать на buxgalter.uzГНК меняет единицу измерения показателей финотчетности – читать на buxgalter.uz

Президент мактабларида «STEAM» дастури бўйича таълим берилади

21.02.2019

Читать на русском языке

Қорақалпоғистон, вилоятлар ва Тошкент шаҳрида Президент мактаблари ташкил этилади. Президентнинг 20.02.2019 йилдаги тегишли қарори ЎзАда эълон қилинган.

 

Лойиҳа ишлаб чиқилаётганда уни шарҳлаган эдик, ҳавола орқали ўтиб, у билан танишишингиз мумкин.

 

Қабул қилинган қарор билан қуйидагилар тасдиқланди (тегишли иловалар берилмаган):

  • 2019–2021 йилларда Президент мактабларини қуриш жадвали;
  • Тошкент, Нукус ва Хива шаҳарларида Президент мактаблари фаолиятини ташкил этишга оид қўшимча чора-тадбирлар дастури.

 

Биринчи ўқув йилида 5–10-синфларга 144 нафардан ўқувчи ўқишга қабул қилинади. Кейинчалик мактабларга ҳар йили 24 нафар ўқувчи қабул қилиниб, иккита синфга 12 нафардан ўқувчи тақсимланади. Умумтаълим муассасаларининг 4-синф битирувчилари мантиқий фикрлаш тестлари, ёзма имтиҳон ва суҳбатлар натижаларига кўра кира оладилар. Баҳолаш Халқ таълими вазирлиги томонидан белгиланган тартибда амалга оширилади.  

 

Таълим жараёни хорижий таълим муассасалари билан ҳамкорликда ишлаб чиқилган ўқув режалари ва дастурлари бўйича инглиз тилида амалга оширилади. 9–11-синфларда ўқитиш ўқувчиларнинг қизиқишлари ва хусусиятларини инобатга олган ҳолда, айрим фанлар ва уларни ўрганиш даражасини танлаб олиш орқали ўқув жараёнини индивидуаллаштиришни кўзда тутади.

 

Мактабларда «STEAM – таълим» (Science – табиий фанлар, Тechnology – технологиялар, Engineering – техник ижодкорлик, Аrt – санъат, Мathematics – математика) дастури жорий этилади. Ўқувчиларнинг қизиқишларидан келиб чиққан ҳолда синфдан ташқари амалий машғулотлар ўтказиш назарда тутилади.

 

Битирувчиларга белгиланган тартибда давлат томонидан тасдиқланган маълумот тўғрисидаги ҳужжат (шаҳодатнома, аттестат) билан бир қаторда халқаро даражадаги тегишли дастур дипломи (International Baccalaureate, Advanced Placement ёки International Advanced Levels) берилади. Бундай диплом билан хорижий мамлакатларнинг етакчи олий таълим муассасаларига кириш мумкин бўлади.

 

Олег Гаевой.