Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Выездной мастер-класс для будущих предпринимателей – читайте на buxgalter.uzЧто ответить ГНИ при циклическом производстве и "незавершенке" – читайте на buxgalter.uzКак подтвердить отрицательный НДС – читайте на buxgalter.uzЧто ответить комиссионеру на требование ГНИ о доначислении НДС – читайте на buxgalter.uz

Президентнинг Халқ қабулхоналари ҳузуридаги марказлар давлат хизматлари кўрсатади

15.12.2017

Президентнинг 12.12.2017 йилдаги “Аҳолига давлат хизматлари кўрсатишнинг миллий тизимини тубдан ислоҳ қилиш чора-тадбирлари тўғрисида”ги Фармони ЎзАда жойлаштирилди.

 

Адлия вазирлиги ҳузурида Давлат хизматлари агентлиги ташкил этилди. У Адлия вазирлигининг Давлат хизматлари кўрсатишни мувофиқлаштириш ва ривожлантириш бошқармаси ҳамда унинг ҳудудий бўлимлари, шунингдек Тадбиркорлик субъектларига “ягона дарча” тамойили бўйича давлат хизматлари кўрсатиш ягона марказлари негизида ташкил этилади.

 

2018 йил 1 январдан бошлаб “Ягона дарча” ягона марказлари Давлат хизматлари марказларига айлантирилади, улар Президентнинг туман (шаҳар)лардаги Халқ қабулхоналари ҳузурида фаолият юритади. 2018-2020 йилларда фақат Давлат хизматлари марказлари орқали “ягона дарча” тамойили бўйича кўрсатиладиган 58 та давлат хизмати босқичма-босқич жорий этилади. Фақат тадбиркорлик субъектларига эмас, балки аҳолига ҳам хизматлар кўрсатиш кўзда тутилмоқда. Уларнинг қаторида:

  • уй-жойларнинг сув таъминоти, канализация, иссиқлик таъминоти ва бошқа муҳандислик-коммуникация тармоқларига уланиши;
  • якка тартибда уй-жой қуришни амалга оширишга рухсатнома;
  • турар жойи бўйича рўйхатга олиш (прописка), рўйхатдан чиқариш ва ҳисобга қўйиш;
  • турли архив маълумотномалари, патентлар, гувоҳномалар ва расмий ҳужжатлар дубликатларини олиш каби аҳолининг талаби юқори бўлган хизматлар мавжуд.


Маълумот учун: бугунги кунда фақат “ягона дарча” ягона марказлари орқали тадбиркорларга 17 та давлат хизмати кўрсатилмоқда.

 

2018 йил 1 февралга қадар Давлат хизматлари ягона реестри шакллантирилиши керак. Келаси йилнинг 1 июнидан бошлаб мазкур реестрга киритилмаган давлат хизматларини кўрсатиш тақиқланади.

 

Шунингдек қуйидаги ўзгаришлар содир бўлди:

 

 

 Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.  



 

Олег Заманов,

экспертимиз.