Молия вазирининг 20.06.2017 йилдаги 83-сон “Ўзбекистон Республикаси Бухгалтерия ҳисобининг миллий стандарти (24-сонли БҲМС) “Қарзлар бўйича харажатлар ҳисоби”ни тасдиқлаш тўғрисида”ги буйруғига ўзгартиришлар киритиш тўғрисида”ги буйруғи қабул қилинди.
Киритилган ўзгартиришларга кўра энди қарзлар бўйича харажатлар ўз ичига қуйидагиларни олади:
а) жалб қилинган қисқа муддатли ва узоқ муддатли қарзлар бўйича фоиз (илгари қарзлар бўйича харажатлар ўз ичига фақат банклар ва кредит ташкилотларидан қарзлар бўйича фоизларни олган);
б) қарзлар билан боғлиқ бўлган дисконтлар (чегирмалар), шу жумладан, облигацияга тегишли дисконтларнинг (чегирмаларнинг) ҳисобдан чиқарилиши (илгари мукофотлар, устамалар ҳам қўшилган);
в) Ўзбекистон Республикаси Бухгалтерия ҳисобининг миллий стандарти (6-сонли БҲМС) "Ижара ҳисоби"га мувофиқ бухгалтерия ҳисобида акс эттирилган молиявий ижара ва/ёки лизингга тааллуқли бўлган фоиз харажатлари (илгари ҳисобда акс эттирилган молиявий ижара ва/ёки лизингга тааллуқли бўлган тўловлар қарзлар бўйича харажатлар саналарди).
Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.
Моҳина Мирзаева.
