23.10.2025 йилда "Вояга етмаганларга нисбатан жиноий жавобгарлик янада либераллаштирилиши муносабати билан Ўзбекистон Республикасининг Жиноят кодексига қўшимча ва ўзгартишлар киритиш тўғрисида"ги ЎРҚ-1092-сонли Қонун қабул қилинди.
Хусусан, "Судланганликнинг ҳуқуқий аҳамияти" деб номланган 77-модда қуйидаги мазмундаги хатбоши билан тўлдирилди: ўн саккиз ёшга тўлгунига қадар содир этган жинояти учун тайинланган жазони ўтаб бўлган шахс судланмаган деб ҳисобланади, бундан ўта оғир жиноятлар содир этган ёки содир этган жинояти учун тайинланган жазони ўтаб бўлганидан сўнг ўн саккиз ёшга тўлгунига қадар янги жиноят содир этган ҳоллари мустасно.
Шунингдек, 841 ва 85-моддаларга киритилган ўзгартиришлар билан вояга етмаганлар учун озодликни чеклаш ва озодликдан маҳрум қилишнинг энг кам муддати олти ойдан бир ойгача қисқартирилди.
Ҳужжат Қонун ҳужжатлари маълумотлари миллий базасида давлат тилида эълон қилинди ва 24.10.2025 йилдан кучга кирди.
