Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Как оформить ЭСФ при импорте услуг – читать на buxgalter.uzКак отчитаться по НДС, если местом реализации экспортных услуг не является Узбекистан – читать на buxgalter.uz Как учесть и когда зачесть «импортный» НДС – читать на buxgalter.uz Нужно ли платить земельный налог за самозахваченные земли и земельные участки под неиспользуемыми объектами – читать на buxgalter.uz Как удаленно собрать данные по реализации – читать на buxgalter.uz Кого из бухгалтеров уволить – читать на buxgalter.uz Проблемы и противоречия запрета на зачет платежей с третьими лицами – читать на buxgalter.uz

ҚҚС суммаси ўрнини қоплаш тартиби тафсилотлари аниқлаштирилди

17.08.2020

Читать на русском языке

Вазирлар Маҳкамасининг 14.08.2020 йилдаги “Қўшилган қиймат солиғи ҳамда чет эл юридик шахслари билан боғлиқ солиқ маъмурчилигини такомиллаштириш чора-тадбирлари тўғрисида”ги 489-сон қарори қабул қилинди.

 

Ҳужжат ўзининг мазмуни ва аҳамияти бўйича турлича бўлган ҚҚС маъмурчилиги билан боғлиқ Тартибларни тасдиқлайди, шунингдек чет эл юридик шахслари билан боғлиқ хабарномалар шакллари тасдиқланади.

 

Хусусан, Қарор билан:

  • Қўшилган қиймат солиғи суммаси ўрнини қоплаш тартиби (1);
  • Ҳисобварақ-фактураларнинг шакллари ҳамда уларни тўлдириш, тақдим этиш ва қабул қилиш тартиби (2);
  • ҚҚС базасини товарларнинг (хизматларнинг) бозор қийматидан келиб чиқиб аниқлаш тартиби (3);
  • Товарларга (хизматларга) ҳақ тўлаш бўйича мажбурият умид қилиб бўлмайдиган қарздорлик деб эътироф этилганда ва уни ҳисобдан чиқариш лозим бўлган ҳолларда ҚҚС базасига тузатиш киритиш тартиби (4);
  • Чет эл юридик шахсларида иштирок этиш тўғрисидаги хабарномаларнинг шакллари, уларни тўлдириш ва тақдим этиш тартиби (5);
  • Назорат қилинадиган чет эл компаниялари ҳақидаги хабарномаларнинг шакллари, уларни тўлдириш ва тақдим этиш тартиби (6) тасдиқланди.

 

ҚҚС суммаси ўрнини қоплаш тартиби асосий тасдиқланадиган тартиблардан бири ҳисобланади. Солиқ кодексига мувофиқ ҚҚС суммасини ўрнини қоплаш солиқ тўловчининг аризасига асосан солиқ органлари томонидан камерал текширув ўтказилгандан кейин амалга оширилади.

 

Агар камерал солиқ текшируви натижаларига кўра солиқ органи қайтарилиши баён этилган солиқ суммаси ўрнини тўлиқ ёки қисман қоплаш тўғрисида қарор қабул қилса, кўрсатилган сумма солиқ тўловчига ариза тақдим этилган кундан эътиборан 60 кундан кечиктирмай қайтарилади.

 

Қуйидаги солиқ тўловчилар учун солиқ суммаси ўрнини тезлаштирилган тарзда қоплаш тартиби имконияти мавжуд:

  • йирик солиқ тўловчилар;
  • банк кафолатини тақдим этган ёки солиқ органлари билан гаров шартномасини имзолаганлар;
  • экспортни амалга оширувчи шахслар;
  • хорижий давлат дипломатик ва унга тенглаштирилган ваколатхоналар;
  • маҳсулот тақсимоти тўғрисидаги битим иштирокчилари;
  • солиқ мониторинги иштирокчилари.

 

Тезлаштирилган тартибда қоплаш етти кун ичида амалга оширилади. Бунда қопланиши баён этилган солиқ суммаси асосланганлиги юзасидан камерал солиқ текшируви умумий тартибда ўтказилади.

 

(5) ва (6) Низомлар 2022 йил 1 январдан кучга киради.

 

Ҳужжат Қонун ҳужжатлари маълумотлари миллий базасида эълон қилинган ва 15.08.2020 йилдан кучга кирди.

 

Баҳодир Қаюмов.