Президентнинг “Жазо муддатини ўтаётган, қилмишига чин кўнгилдан пушаймон бўлган ва тузалиш йўлига ўтган бир гуруҳ шахсларни афв этиш тўғрисида”ги Фармони имзоланди. Бу ҳақда ЎзА хабар беради.
Ҳужжатга мувофиқ, содир этган жинояти учун озодликдан маҳрум қилиш жойларида жазо ўтаётган, қилмишига чин кўнгилдан пушаймон бўлган ва тузалиш йўлига қатъий ўтган 575 нафар фуқаро афв этилди.
Афв этилган шахсларнинг 361 нафари жазодан тўлиқ озод қилиниб, оиласи ва яқинлари бағрига қайтарилади. 214 нафар шахснинг озодликдан маҳрум этиш жазо муддатлари қисқартирилади. Шунингдек, афв этилганларнинг 7 нафарини 60 ёшдан ошган шахслар, 6 нафарини аёллар, 1 нафарини чет эл фуқароси ташкил этади.
Афв этилганларга ижтимоий мослашув, уларни фойдали меҳнатга ва соғлом турмуш тарзига жалб қилишда ёрдам берилади.
