Вазирлар Маҳкамасининг 07.04.2021 йилдаги “Моддий маданий мероснинг кўчмас мулк объектлари соҳасида реставратор-усталар малакасини ошириш ва уларга малака сертификатини бериш бўйича давлат хизматлари кўрсатишнинг маъмурий регламентини тасдиқлаш тўғрисида” 166-сон қарори қабул қилинди.
Туризм ва маданий мерос вазирлиги ҳузуридаги Маданий мерос агентлиги моддий маданий мероснинг кўчмас мулк объектлари соҳасида реставратор-усталар малакасини ошириш ва уларга малака сертификатини бериш бўйича ваколатли орган этиб белгиланди.
Маъмурий регламент қуйидагиларни белгилайди:
- талабгорнинг малака сертификати олиш учун Давлат хизматлари марказлари ёки ЯИДХП орқали ариза ва ҳужжатлар топшириш тартиби;
- малака ошириш курслари ва ўқув жараёнини ташкил этиш хусусиятлари, вазифалари ва тартиби;
- малака ошириш курслари тингловчиларини аттестациядан ўтказиш ва баҳолаш;
- малака ошириш курсларини молиялаштириш тартиби.
Реставратор-усталар малакаси ҳар уч йилда ошириб борилади.
Ҳужжат Қонун ҳужжатлари маълумотлари миллий базасида эълон қилинган ва 08.04.2022 йилдан кучга кирди.
Лола Абдуазимова.
