Президентнинг 17.06.2016 йилдаги ПҚ-2550-сон қарори билан ШҲТга аъзо давлатлар ҳукуматлари ўртасида соғлиқни сақлаш соҳасида ҳамкорлик қилиш тўғрисида 15.06.2011 йилда Остона шаҳрида имзоланган Битим тасдиқланди.
Битим соғлиқни сақлаш соҳасида ҳамкорлик қилиш йўналишлари ва шаклларини белгилайди.
Тарафлар ҳужжатни амалга ошириш борасида олинган интеллектуал фаолият натижаларига бўлган ҳуқуқ муҳофазасини ўз давлатларининг қонун ҳужжатларига ҳамда улар иштирокчиси бўлган халқаро шартномаларга мувофиқ таъминлайдилар.
Битим бўйича мажбуриятларнинг бажарилиши билан боғлиқ харажатлар, агар бошқа келишувлар мавжуд бўлмаса, давлатлар томонидан мустақил равишда амалга оширилади.
Ўзбекистон Республикаси Соғлиқни сақлаш вазирлиги мазкур халқаро шартномани амалга ошириш учун масъул бўлган ваколатли орган этиб белгиланди.
Мазкур ҳужжатнинг матни билан, у билан боғланган бошқа қонун ҳужжатларига шарҳлар ва изоҳлар билан «Ўзбекистон Республикаси қонунчилиги» ахборот-қидирув тизимида танишиш мумкин.
«Ўзбекистон Республикаси қонунчилигида янги» шарҳини
эксперт-юристимиз
Елена ЕРМОХИНА
тайёрлади.
