Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Как решить проблему «фантомного директора» в ЭДО – читать на buxgalter.uz Как составить Расчет НДФЛ и соцналога, если применяли более двух ставок соцналога – читать на buxgalter.uzКак оформить ЭСФ, если комитент – нерезидент – читать на buxgalter.uzКакие налоговые задолженности будут признаны безнадежными – читать на buxgalter.uzЛьгота для высококвалифицированного гендиректора – читать на buxgalter.uzКакие пени и штрафы ждут декларантов – читать на buxgalter.uzПочему за «уточненку» наказывают аудиторов – читать на buxgalter.uzКому не нужно представлять справку об авансовых платежах на III квартал – читать на buxgalter.uz

Тадбиркорлик субъектларига банк ҳисобварақларини масофадан туриб очишга рухсат берилди

29.10.2018

Читать на русском языке


Марказий банк Бошқарувининг қарори (25.10.2018 йилда 1948-16-сон билан рўйхатдан ўтказилган) билан Ўзбекистон Республикаси банкларида очиладиган банк ҳисобварақлари тўғрисидаги йўриқномага ўзгартириш ва қўшимчалар киритилди. 

 

Биринчидан, банклар томонидан банк ҳисобварағини очиш ва унга хизмат кўрсатиш чоғида тадбиркорлик субъектларидан ҳужжатларга муҳр қўйиш ёки ҳужжатларни муҳр билан тасдиқлашни талаб этиш тақиқланди.

 

Тадбиркорлик субъектида муҳр мавжуд бўлган тақдирда ҳам ушбу тақиқ қўлланилади. Тадбиркорлик субъектлари турлари (якка тартибдаги тадбиркорлар, микрофирмалар, кичик корхоналар, йирик бизнес) бўйича ҳам фарқланмайди.

 

Энди ҳужжатлар айланмасида фақат имзолар намуналари қўйилган варақчалардан (илгари – имзолар намуналари ва муҳр изи қўйилган варақчалар) фойдаланилади. Тадбиркорлик субъектлари ва улар сирасига кирмайдиган хўжалик юритувчи субъектлар учун варақчаларнинг янги намуналари тасдиқланди.

 

Иккинчидан, таъсисчилари Ўзбекистон резиденти – жисмоний шахслардан иборат бўлган юридик шахслар давлат рўйхатидан ўтиш жараёнида миллий ва чет эл валютасидаги банк ҳисобварағини масофадан туриб очишлари мумкин.

 

Банк ҳисобварағини очишда банк ҳисобварағи шартномаси офертасини акцептлаш (яъни банк таклиф этаётган шартларга сўзсиз розилик бериш) йўли билан тузилади.

 

Шу билан бирга юридик шахслар фақат имзолар намуналари қўйилган варақча (2 нусхада), шунингдек биринчи ва иккинчи имзо эгаларининг шахсини тасдиқловчи ҳужжатларни тақдим этгандан кейингина тўловларни амалга оширишлари мумкин. Банк ходимлари шахсий ҳужжатлардан нусха олиб, аслини қайтариб берадилар.

 

Ҳужжат Қонун ҳужжатлари маълумотлари миллий базасида эълон қилинган ва 25.10.2018 йилдан кучга кирди.

 

Самир Латипов.



 

В этой теме действует премодерация комментариев.
Вы можете оставить свой комментарий.

info! Оставляя свой комментарий на сайте, Вы соглашаетесь с нашими Правилами их размещения.
Гость_