Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Как в налоговой отчетности применить ставку соцналога 1% - читать на buxgalter.uzКак посчитать НДС от разовых сборов рынка – читать на buxgalter.uzЧастные медорганизации получили льготу по ввозимым автомобилям – читать на buxgalter.uz«Уточненку» по НДС пока не принимают – читать на buxgalter.uz

Тиббиёт ташкилотлари эскирган ускуналарни 2023 йилгача алмаштириши шарт

28.09.2017

 

Вазирлар Маҳкамасининг 2017 йил 21 июндаги 405-сон “Тиббий фаолиятни лицензиялаш тартибини янада такомиллаштириш чора-тадбирлари тўғрисида”ги қарорига мувофиқ Соғлиқни сақлаш вазирининг буйруғи (рўйхат рақами 2928, 2017 йил 11 сентябрь) билан Тиббий ускунанинг маънан эскирганлик даражасини аниқловчи мезонлар тасдиқланди.

 

Белгиланишича, мулкчилик шаклидан қатъи назар янги ташкил этилаётган ёки қайта жиҳозланаётган тиббиёт ташкилотлари фақат Тиббиёт амалиётида қўлланилишига рухсат этилган дори воситалари, тиббий буюмлар ва тиббий техника давлат реестрида мавжуд бўлган тиббий ускуналар билан жиҳозланиши лозим.

 

Ушбу ташкилотлар янги яратилган тиббий ускуналардан улар давлат рўйхатидан ўтказилгандан кейин фойдаланиши мумкин.

 

Ҳужжатга кўра, тиббиёт ташкилотлари учун тиббий ускунанинг маънан эскирганлик даражаси унинг ишлаб чиқарилган йили орқали аниқланади. Тиббий ускунанинг техник паспортида ёки ёрлиғида кўрсатилган эксплуатация муддати тугагандан кейин у маънан эскирган ҳисобланади. Эксплуатация муддати кўрсатилмаган ҳолларда, у ишлаб чиқарилган санасидан бошлаб 15 йил ўтгандан кейин маънан эскирган ҳисобланади. Ишлаб чиқарилган санаси кўрсатилмаган бўлса, бундай тиббий ускуналардан фойдаланиш тақиқланади.

 

Тиббиёт ташкилотлари ўзларида мавжуд бўлган ишлаб чиқарилган йили кўрсатилмаган ҳамда маънан эскирган тиббий ускуналарни 2023 йилнинг 1 январигача янги ускуналарга алмаштириши лозим.

 

Янги ташкил этилган тиббиёт ташкилотлари маънан эскирган тиббий ускуналардан фойдаланиши тақиқланади.

 

2017 йил 18 декабрдан кучга киради.

 

 

Мазкур ҳужжатнинг матни билан, у билан боғланган бошқа қонун ҳужжатларига шарҳлар ва изоҳлар билан «Ўзбекистон Республикаси қонунчилиги» ахборот-қидирув тизимида танишиш мумкин.

 

«Ўзбекистон Республикаси қонунчилигида янги» шарҳини

эксперт-юристимиз Сардор ЖУМАШОВ

тайёрлади.