Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Новое на buxgalter.uz:Облагается ли НДС экспорт товаров на безвозмездной основе План главбуха на октябрь 2021 года Как учитывать передачу права на использование нематериальных активов Почему сервис «Проверить мой статус» показывает разный результат. И что с этим делать

Тиббий-меҳнат экспертизаси тиббий-ижтимоий экспертизага алмаштирилди

17.07.2021

Читать на русском языке

Соғлиқни сақлаш вазири томонидан «Меҳнатга лаёқатсизлик варақасини бериш тартиби тўғрисидаги йўриқномага ўзгартиришлар киритиш тўғрисида»ги буйруқ қабул қилинди (рўйхат рақами 2667-3, 15.07.2021 й.).

 

Ҳужжат Президентнинг 22.09.2020 йилдаги «Ўзбекистон Республикасида идентификация ID-карталарни жорий этиш чора-тадбирлари тўғрисида»ги ПФ-6065-сон Фармони ва Вазирлар Маҳкамасининг 12.06.2021 йилдаги «Ўзбекистон Республикаси Тиббий-ижтимоий хизматларни ривожлантириш агентлиги тўғрисидаги низомни тасдиқлаш ҳақида»ги 366-сон қарорига мувофиқ қабул қилинди.

 

Биринчидан, Йўриқноманинг 5-бандига қуйидагича ўзгартириш киритилди: соғлиқни сақлашнинг хусусий ва бошқа хил тизимларига тегишли даволаш-профилактика муассасалари меҳнатга вақтинча лаёқатсизликни экспертиза қилиш ёки тиббий-ижтимоий экспертизаси (илгари – тиббий-меҳнат экспертизаси) бўйича етарли малакали ходимга эга бўлган тақдирда, меҳнатга лаёқатсизлик варақалари ва меҳнатга лаёқатсизлик маълумотномалари беришга ҳақли. Тегишинча, белгиланишича, бемор тиббий-ижтимоий эксперт комиссиясига (илгари – тиббий-меҳнат эксперт комиссияси) юборилади.  

 

Иккинчидан, мактабгача таълим ташкилотида ёки 6 ёшга тўлмаган болага ўрнатилган карантин даврида болага қараш учун ота-онасидан бирига ёки оиланинг бошқа аъзосига карантин белгиланган муддатга санитария-эпидемиологик осойишталик ва жамоат саломатлиги хизматининг ҳудудий бўлинмалари томонидан меҳнатга лаёқатсизлик варақаси берилади (илгари Санитария-эпидемиологик осойишталик агентлигининг ҳудудий ва туман (шаҳар) эпидемиологик осойишталик марказлари томонидан берилган). 

 

Учинчидан, меҳнатга лаёқатсизлик варақалари ва меҳнатга лаёқатсизлик маълумотномалари паспорт ёки идентификация ID-картаси асосида, тузатиш ва қисқартиришларсиз, кўк ёки қора рангли ручкада расмийлаштирилади (илгари – ёки шахсни тасдиқловчи ҳужжат тақдим этилганда).

 

Тўртинчидан, 2-илова (Меҳнатга лаёқатсизлик варақаси) ва 2-илова (Мастлик ҳолати бўйича меҳнатга лаёқатсизлик маълумотномаси) янги таҳрирда қабул қилинди.  

 

Бошқа ўзгартиришлар ҳам киритилди.  

 

Ҳужжат Қонун ҳужжатлари маълумотлари миллий базасида эълон қилинган ва 15.07.2021 йилдан кучга кирди.


Наргиза Во
ҳидова.