Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
До 25 сентября надо сдать три отчета и уплатить налоги - читать на buxgalter.uzЧто еще нужно знать бухгалтеру при переходе на электронные счета-фактуры - читать на buxgalter.uzКого обследуют за III квартал - читать на buxgalter.uzЧто делать, если главбух уволился и не вернул ЭЦП - читать на buxgalter.uzКакие льготы есть по НДС при лизинге - читать на buxgalter.uzКак внедрение онлайн-ККМ и виртуальных касс повлияет на бухучет - читать на buxgalter.uz

Тошкент шаҳрида АКТ чуқурлаштириб ўқитиладиган ихтисослаштирилган мактаб очилади

15.09.2017

Президентнинг 14.09.2017 йилдаги ПҚ-3274-сон қарори билан  Муҳаммад ал-Хоразмий номидаги ахборот-коммуникация технологиялари йўналишига оид фанларни чуқурлаштириб ўқитишга ихтисослаштирилган мактабни ташкил этиш назарда тутилмоқда. Ҳужжат давлат раҳбари сайтида жойлаштирилган.

 

Ихтисослаштирилган мактаб Ахборот технологиялари ва коммуникацияларини ривожлантириш вазирлиги қошида очилади. У Тошкент давлат иқтисодиёт университети қошидаги аниқ фанларга ихтисослаштирилган давлат умумтаълим мактаби негизида ташкил этилади.

 

Янги ўқув юртига Мирзо Улуғбек информатика касб-ҳунар коллежининг бино ва иншоотлари (Тошкент шаҳар, Мирзо Улуғбек тумани, Тепамасжид кўчаси, 4-уй манзилида жойлашган) бепул берилади. Бунда коллежнинг 2-3-босқич ўқувчилари ўқишни битиргунларига қадар кўрсатилган манзилда қоладилар.

 

Ихтисослаштирилган мактабга ўқувчилар ХТВ ҳамда Ахборот технологиялари ва коммуникацияларини ривожлантириш вазирлиги томонидан белгиланадиган квота асосида 5-синфдан бошлаб ёзма ва оғзаки синов натижаларига кўра танлов асосида қабул қилинади. Ихтисослаштирилган мактабдаги таълим жараёнига ТАТУ ва Тошкент шаҳридаги Инҳа университети профессор-ўқитувчилари жалб этилади.

 

Шунингдек, ҳужжат билан “Муҳаммад ал-Хоразмий издошлари” номли мукофотни таъсис этиш топширилди. У республиканинг мактаб ёшидаги иқтидорли ўқувчиларига математика, физика ва информатика фанларини интеграциялашган ҳолда қамраб олган кўрик-танлов натижаларига кўра берилади.

 

Мазкур ҳужжатнинг тўлиқ матни билан, у билан боғланган бошқа қонун ҳужжатларига шарҳлар ва ҳаволалар билан «Ўзбекистон Республикаси қонунчилиги» ахборот-қидирув тизимида танишиш мумкин.  

 

Олег Заманов, 

 экспертимиз