"Уй-жой коммунал хизмат кўрсатиш аълочиси" кўкрак нишони Вазирлар Маҳкамасининг 11.12.2018 йилдаги 1004-сон қарори билан таъсис этилди.
У ҳар йили уй-жой коммунал хизмат кўрсатиш соҳаси ривожига муносиб ҳисса қўшган, шунингдек:
- мамлакатимиз аҳолисининг уй-жой шароитларини яхшилаш;
- муҳандислик коммуникацияларини ўз вақтида сифатли қуриш ва таъмирлаш, уларнинг атрофидаги ҳудудларни ободонлаштириш;
- уй-жой коммунал хизматлар кўрсатиш ташкилотларининг моддий-техника базасини мустаҳкамлаш ва замонавий ускуналар билан жиҳозлаш ишларида юқори натижаларни қўлга киритган шахсларга топширилади.
ХУМШ, ичимлик суви ва иссиқлик таъминоти корхоналари ҳамда уй-жой коммунал хизмат кўрсатиш соҳасидаги бошқа ташкилотлар ходимлари (шу жумладан, шахслар-норезидентлар) мукофот олишлари мумкин.
Дастлабки таклифлар ҳар йили 25 январгача Қорақалпоғистон Республикаси УЖКХ вазирлиги, вилоятлар УЖКХ бошқармалари ҳамда Тошкент шаҳар УЖКХ бош бошқармасига тақдим этилади. У ерда улар ўрганилади ва 25 февралгача республика УЖКХ вазирлигига юборилади. Номзодларнинг якуний рўйхатини у томондан тузиладиган Комиссия шакллантиради.
Кўкрак нишони ҳар йили Уй-жой коммунал хизмат кўрсатиш соҳаси ходимлари куни (18 апрель) арафасида топширилади. Мукофотланган шахслар ЭКИҲнинг 4 баравари миқдорида бир йўла тўланадиган пул мукофоти оладилар.
Ҳужжат Қонун ҳужжатлари маълумотлари миллий базасида эълон қилинган ва 12.12.2018 йилдан кучга кирди.
Ленара Хикматова.
