Вазирлар Маҳкамасининг 20.03.2019 йилдаги 236-сон қарори билан «Маданият ва санъат фидокори» кўкрак нишони тўғрисида низом тасдиқланди.
У билан ўзбек миллий маданияти ва санъати нуфузини жаҳон миқёсида ошириш борасида фидокорона меҳнат қилган ва ушбу соҳада юқори натижаларга эришган фуқаролар тақдирланади.
Тақдирлаш бўйича таклифлар ҳудудий маданият бошқармаларига ҳар йили 1 октябрга қадар тақдим этилади.
Маданият вазирлигида номзодларнинг ҳужжатлари ўрганилиб, 1 декабрга қадар энг муносиб номзодларни тақдирлаш тўғрисида қарор қабул қилинади. Кўкрак нишони Янги йил байрами арафасида маданият вазири томонидан тантанали равишда топширилади. Мукофотланганлар 3 ЭКИҲ миқдорида бир йўла тўланадиган пул мукофоти оладилар.
Ҳужжат Қонун ҳужжатлари маълумотлари миллий базасида эълон қилинган ва 21.03.2019 йилдан кучга кирди.
