Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Новое на buxgalter.uzМожно ли применить льготу по НДФЛ к доходу иностранного работника, ставшего резидентом Что влечет отказ перейти на налог с оборота в фиксированной сумме Как сдать ДипИФР: рекомендации Ирины ЗАВАЛИШИНОЙ Как применять положения международных договоров об избежании двойного налогообложения

Узумчиликни ривожлантиришга – қўшимча субсидиялар

14.06.2022

Читать на русском языке

Вазирлар Маҳкамасининг 10.06.2022 йилдаги 327-сон қарори билан Узум кўчатларини шпалерга (ёғоч ва бошқа синувчан устунлардан ташқари) кўтариш харажатларининг бир қисмини қоплаш тартиби тўғрисидаги низом тасдиқланди.

 

Низомга мувофиқ қуйидагиларга субсидия ажратилади:

  • «хураки» ва «кишмиш» навларини етиштириш учун токзорларни барпо этган талабгорларга – Боғдорчиликни ривожлантириш жамғармаси ҳисобидан;
  • саноатбоп токзорларни барпо этган талабгорларга – Виночиликни ривожлантириш жамғармаси ҳисобидан.

 

Субсидия барпо этилган токзорларда узум кўчатларини кўтариш мақсадида шпалерни ўрнатиш (қуриш) ишлари якунландан сўнг фақат бир маротаба, бир дона шпалерга 15 минг сўмдан ортиқ бўлмаган миқдорда ажратилади.

 

Талабгор субсидия олиш учун шпалерни ўрнатиш ишлари якунлангандан сўнг хулоса олиш учун туман ишчи гуруҳига ёзма ёки электрон шаклда ариза беради. Ўрганишлар натижасига қараб 1 кундан сўнг ижобий ёки салбий хулоса берилади.

 

Жамоатчилик назорати субъектлари томонидан субсидия предметидан мақсадли фойдаланилмаётган ёки яроқсиз ҳолдалиги аниқланганда, бундай ҳолатлар видеотехника воситалари орқали қайд этилганда, ушбу маълумотлар икки кун ичида ишчи гуруҳига тақдим қилинади. Ҳуқуқбузарлик тўғрисида юборилган хабар ўз тасдиғини топган тақдирда, талабгордан ундирилган субсидиянинг 5%и миқдорида рағбатлантириш тусидаги тўлов тўланади.

 

Шунингдек Виночилик асбоб-ускуналарини харид қилиш харажатларининг бир қисмини қоплаш тартиби тўғрисидаги низом тасдиқланди. Низомга мувофиқ виночилик асбоб-ускунасини харид қилиш харажатларининг 20%и, бироқ 300 млн сўмдан ортиқ бўлмаган миқдорда қопланади.

 

Ҳужжат Қонун ҳужжатлари маълумотлари миллий базасида эълон қилинган ва 11.06.2022 йилдан кучга кирди.

 

                             Лола Абдуазимова.