Қонунчиликдаги янгиликлар

Ҳокимият органлари, ташкилотлар ва фуқароларга қўйиладиган ягона талаблар белгиланди, фавқулодда вазиятларга тайёргарлик кўриш, хабар бериш тизимларининг иш тартиби ҳамда табиий, техноген, радиациявий, кимёвий ва бошқа таҳдидлардан ҳимоя қилиш чоралари белгиланди.

Янги регламент Қорақалпоғистон ҳудудида майнинг фаолиятини тартибга солади, рўйхатдан ўтказиш тўловини бекор қилади, аммо электр энергияси учун алоҳида тариф жорий этади. Ташаббус инвестицияларни жалб қилиш, иш ўринларини яратиш ва минтақавий иқтисодиётни ривожлантиришга қаратилган.

Қурол ва унинг ўқ-дорилари, ўқотар қуролнинг асосий қисмлари, портловчи материаллар ва портлатиш қурилмаларини ихтиёрий топшириш тартиб-таомиллари соддалаштирилди.

"Автомобиль транспортида юк ташувларини амалга оширувчи тадбиркорлик субъектлари фаолиятини қўллаб-қувватлашга қаратилган қўшимча чора-тадбирлар тўғрисида"ги Президент қарори қабул қилинди.

Ижодий лойиҳалар мутахассислари ва резидентлари солиқ имтиёзларидан фойдаланишлари, хорижий ҳамкорлар эса бир қатор солиқлардан озод бўлишлари мумкин бўлади. Янги ташаббуслар креатив индустрияни ривожлантиришни рағбатлантириш ва унинг мамлакатдаги мавқеини мустаҳкамлашга қаратилган.

Давлат органлари ва ташкилотларининг архив ҳужжатларини Архивнинг ягона миллий ахборот тизимида сақлаш тартиби тасдиқланди. Унда рақамлаштирилган архив материалларини мажбурий тартибда ААТга жойлаштириш, идоравий ахборот тизимларини интеграция қилиш ва ҳужжатларни ҳисобга олишнинг замонавий технологияларини жорий этиш назарда тутилган.

2026 йил 1 августдан 2028 йил 1 январгача камёб ва йўқолиб кетиш хавфи остида турган ёввойи ҳайвон турларини овлаш тақиқланади. Шу билан бирга, биологик хилма-хилликни сақлаш ва балиқ ресурсларини кўпайтириш бўйича чора-тадбирлар кўзда тутилган.

Президентнинг янги Фармонида бюджет тизимида хавфларини эрта аниқлаш учун сунъий интеллект технологияларини жорий этиш, назорат тартиб-таомилларини рақамлаштириш ва давлат органларининг бюджет интизоми рейтинги тизимини яратиш кўзда тутилган.

Савдо ўринларининг электрон ҳисобини юритиш, ижара шартномаларини онлайн тузиш, электрон тўловларни қабул қилиш ва бозорлар фаолияти тўғрисидаги маълумотларнинг очиқлигини таъминлаш имконини берувчи рақамли платформани босқичма-босқич жорий этиш бошланади.

Президентнинг янги Фармонида энергия тежовчи технологияларни жорий этиш, сув ҳавзаларида балиқ етиштирувчилар ва наслчиликка ихтисослашган балиқ хўжаликларига, уларга зарур асбоб-ускуналар учун субсидиялар ажратиш, шунингдек, аквакультура ва озуқа ишлаб чиқариш соҳасидаги замонавий лойиҳалар харажатларини қоплаш кўзда тутилган.

Президент қарори билан чарм-пойабзал саноатини ривожлантириш, хомашёни чуқур қайта ишлашни рағбатлантириш ва тайёр маҳсулотлар экспортини ошириш бўйича комплекс чора-тадбирлар тасдиқланди. Ҳужжат ишлаб чиқарувчиларга субсидиялар бериш, янги моделларни жорий этишни қўллаб-қувватлаш ва савдо инфратузилмасини ривожлантиришни назарда тутади.

Янги қонун болалар учун кафолатларни кучайтиради, уларнинг ҳуқуқларини мустаҳкамлайди, шунингдек, аёлларнинг ҳимоясини кенгайтиради – энди жабрланувчилар реабилитация даврида бепул юридик ёрдам олишлари ва иш жойларини сақлаб қолишлари мумкин.

Вазирлар Маҳкамаси давлат ўрмон фондига кирмайдиган дарахт ва буталардан фойдаланишнинг янги қоидаларини тасдиқлади. Ҳужжатда уларни кўчириб ўтказиш, санитар кесиш, рухсатномалар бериш тартиби, шунингдек, қурилиш ва инфратузилма лойиҳаларини амалга оширишда қўшимча талаблар белгиланган.

Фуқаролар томонидан давлат субсидиясидан фойдаланган ҳолда бирламчи бозордан уй-жой сотиб олишда бошланғич бадални шакллантириш учун мақсадли ипотека депозитларини очишни назарда тутувчи тажриба-синов лойиҳасини амалга ошириш тартиби тасдиқланди.

Пахта-тўқимачилик кластерларининг молиявий барқарорлигини ошириш, пахта толасини чуқур қайта ишлашни ривожлантириш чора-тадбирлари белгиланди. Субсидиялар, солиқ ва божхона имтиёзлари, шунингдек, барқарор корхоналар учун ҚҚСнинг тезлаштирилган қайтарилиши кўзда тутилган.

Янги қарор қабул қилиниши билан 2026 йилдан бошлаб аҳоли ва ҳокимият вакиллари долзарб ижтимоий-иқтисодий масалаларни ҳал қилишда фаолроқ иштирок этади. Рақамли платформалар ва молиялаштиришнинг янги механизмларини жорий этиш аҳолининг иштирокини янада шаффоф ва самарали қилади.

Марказ атом энергетикаси соҳасида таълим дастурлари, илмий ишланмалар ва халқаро лойиҳалар учун платформага айланади. Марказий Осиё давлатларидан келган мутахассислар замонавий симуляторларда таълим олишлари ва амалий машғулотлар ўтказишлари мумкин бўлади.

"Хавфни таҳлил қилиш" электрон тизими текширишлар ва профилактик тадбирлар зарурлигини аниқлайди. Хавф даражаси паст бўлган субъектлар текширувлардан озод этилади.

Вазирлар Маҳкамаси фавқулодда вазиятларда ҳаракат қилиш ва аҳоли ҳаёт фаолиятини таъминлаш учун мўлжалланган молиявий ва моддий захираларни шакллантириш, улардан фойдаланиш ва уларни қайта тиклашнинг янги қоидаларини белгилади.

Турар жой ва нотурар жой кўчмас мулк объектларини оммавий баҳолаш тартиби тасдиқланди. Бу тартиб объектларнинг бозор қийматини аниқлаш, ҳудудларни зоналаштириш ва баҳолаш натижаларини очиқ ахборот тизимларида эълон қилишни назарда тутади.