Бундай имкониятни Давлат божхона қўмитаси тақдим қилади. Автотранспортда чегарадан ўтаётган жисмоний шахслар бу ҳақда олдиндан божхона хизмати органларини хабардор қилишлари мумкин.
Янги хизмат чегара орқали ўтиш пунктларида божхона расмийлаштируви вақтини қисқартиришга ёрдам беради.
Автотранспорт воситаларида божхона чегарасидан ўтаётган жисмоний шахслар томонидан идентификация кодининг олиниши мазкур хизматнинг натижаси ҳисобланади. Жавоб фойдаланувчининг ИДХЯПдаги шахсий кабинети ва (ёки) порталда рўйхатдан ўтишда кўрсатилган электрон почтасига жўнатилади.
Ариза берувчи томонидан лозим бўлмаган даражада расмийлаштирилган ва тақдим қилинган дастлабки электрон ахборот, шу жумладан нотўғри маълумотлар тақдим қилинган ҳоллар рад этиш сабаби бўлиши мумкин.
Ариза берувчи божхона хизматлари органларининг рўйхатдан ўтказишни рад этиш тўғрисидаги қарори, шунингдек мансабдор шахсларнинг ҳаракати (ҳаракатсизлиги) устидан қонунчиликда белгиланган тартибда ёки ИДХЯП орқали шикоят бериши мумкин.
Ушбу хизматни олиш учун қандайдир ҳужжат талаб қилинмайди ҳамда у бепул тақдим қилинади.
Мавзуга доир материаллар:
Ҳисобланган суғурта бадаллари суммаси ҳақида ИДХЯП орқали билиш мумкин
Уйда ижтимоий хизмат кўрсатишга қабул қилишни Интернет орқали сўраш мумкин
