«Туризм хизматларини сертификатлаш маркази» ДУК O’zDSt 3296:2018 «Туризм хизматлари. Меҳмонхоналар ва шунга ўхшаш жойлаштириш воситалари. Таснифлаш тизими» янги стандартини ишлаб чиқди. Жорий этиш санаси – 2018 йил август.
Ҳужжат Австрия, Германия, Голландия, Туркия ва Россияда қабул қилинган норма ва стандартларни ҳисобга олган ҳолда ишлаб чиқилган.
Стандарт туташ ҳудуд, бинолар, хоналар, техник ускуналар ва жиҳозлар, ходимлар, хоналарнинг санитария-гигиена ҳолати, ахборот таъминоти, хизматлар ва жамоатчилик хоналарига талабларни белгилайди.
Янги стандарт нафақат меҳмонхоналар ва мотеллар, балки апартотеллар, апартаментлар (резиденциялар) комплекси, люкс хоналари бўлган меҳмонхоналар, спа-меҳмонхоналар, бутик-отеллар ва бошқа шунга ўхшаш жойлаштириш воситалари таснифини ҳисобга олади.
