Монополиядан чиқариш қўмитасида янги таҳрирдаги «Рақобат тўғрисида»ги қонун лойиҳаси муҳокама қилина бошлади, дея хабар берилади идора Telegram-каналида.
Янги таҳрирда иккита: «Рақобат тўғрисида» ва «Табиий монополиялар тўғрисида»ги қонунларни қўшиб юбориш назарда тутилган.
Қўмита мутахассислари амалдаги қонун ҳужжатларида назарда тутилмаган алоҳида моддаларни киритишни таклиф қилдилар:
- рақобат принциплари;
- давлат кўмаги, монопсония (бозордаги вазият, бунда ягона харидор кўплаб сотувчилар билан ҳамкорлик қилиб, улардаги нарх ва сотиш ҳажмини белгилайди, таҳр.) тушунчасининг жорий этилиши;
- рақамли бозорлар;
- савдо фаолиятини монополияга қарши тарзда тартибга солиш;
- монополияга қарши комплаенс (таҳдидларга қаршилик қилиш ва хатарларни бошқариш тизими, таҳр.).
Қўмита бизнес-муҳит, илмий доиралар, экспертлар ҳамжамияти, жамоат ва халқаро ташкилотлар вакилларини ҳам мазкур қонунни такомиллаштиришда иштирок этишга чорлайди.
Таклифларни қуйидаги манзилга юборинг: iabdujambulov@gmail.com.
Алоқа боғлаш учун телефон: (+998) 90 972-20-18 (Абдужамбулов И.).
