ЯИДХПда «Болаларни давлат мактабгача таълим муассасасига қабул қилиш учун электрон ариза топшириш» янги хизмати очилди.
Хизмат ёрдамида давлат мактабгача таълим муассасаларига навбатга туриш мумкин.
У қандай ишлайди?
1-қадам. Ариза берувчи тўғрисидаги ахборотни тўлдирасиз.
2-қадам. Бола тўғрисидаги ахборотни тўлдирасиз.
3-қадам. Муассаса тўғрисидаги ахборотни тўлдирасиз:
- минтақани;
- туманни;
- муассаса рақамини танлайсиз (мавжуд гуруҳлар ва тарбияланувчилар сони тўғрисидаги ахборот тақдим этилади);
- мурожаат қилишдан мақсадни белгилайсиз.
4-қадам. Имтиёзли ҳуқуққа эгалик тўғрисидаги ахборотни киритасиз.
Диққат! Шахсан келиб мурожаат қилганда Давлат хизматлари маркази ходими томонидан тақдим этилган ҳужжатларга мувофиқ тўлдирилади. ЯИДХП орқали мурожаат қилганда тегишли ҳужжатларнинг асл нусхалари (кўчирмалари) муассасага қабулни расмийлаштириш пайтида муассасага тақдим этилади.
