Жисмоний ва юридик шахсларга ЭРИ калити ва сертификатини масофадан бериш хизматини Давлат хизматлари агентлиги ва Давлат солиқ қўмитаси жорий этди.
Энди ариза берувчи электрон рақамли имзо калитини, илгари бўлганидек, давлат хизматлари марказларига бормасдан олиши мумкин.
Бунинг учун https://e-imzo.uz сайтида:
- ЭРИ сертификатини олиш учун сўровномани тўлдириш ва паспорт нусхасини, шунингдек паспортнинг юз томони билан селфи фотосуратини илова қилиш;
- хизмат учун тўловни амалга ошириш;
- СМС-хабарнома олгандан кейин ўз аризасини e-imzo.uz сайтида топиш;
- ЭРИ калити ва сертификати олинганлигини тасдиқлаш ва уни компьютерга юклаш зарур.
Шунингдек эслатиб ўтамиз, кўрсатилган сайтда ЭРИни онлайн-режимда янгилаш мумкин. Хизматдан ЭРИнинг муддати ўтган тақдирда ҳам e-imzo.uz сайтида шахсий кабинет орқали фойдаланиш имконияти мавжуд.
