Биз компьютер жиҳозлари, шунингдек бошқа офис жиҳозларини таъмирлаш бўйича хизматлар кўрсатамиз. Бизга улар учун эҳтиёт қисмларни хориждан Интернет-дўконлар орқали сотиб олиш мумкинлигини айтишди. Бунда қандай ҳужжатларни расмийлаштириш лозим? Айтишларича, расмийлаштиришнинг қандайдир янги тартиби пайдо бўлибди. Ҳақиқатан ҳам бутловчи буюмлар ва эҳтиёт қисмларга ноль даражали ставка мавжудми? Ёки жўнатма учун барибир божхона божлари ва яна қандайдир йиғимларни тўлашга тўғри келадими? Агар тўғри келса, тахминан қанча тўланади?

Миллий матбуот марказида Давлат божхона қўмитаси ҳамда Олий Мажлис Қонунчилик палатаси ҳамкорлигида «Ўзбекистон Республикаси Божхона кодексининг янги таҳрири – божхона ишининг ҳуқуқий асоси» мавзусида матбуот анжумани бўлиб ўтди.

2015 йил январида омонат сақловчи (1-МЧЖ) билан юк топширувчи ¬(2-МЧЖ) 100 млн сўмлик ноозиқ-овқат товарларини 6 ой муддатга омонат сақлаш шартномаси туздилар. 2-МЧЖ омонат сақлаш хизматлари ҳақини вақтида тўлади. Омонат сақловчи 2015 йил июлида хусусий корхонадан омонат сақланаётган товарни бермай туриш ҳақидаги илтимос баён этилган хат олди, негаки юк топширувчи маҳсулот етказиб бериш шартномаси бўйича фирмага 150 млн сўм қарз бўлиб қолган экан. Ўз навбатида хусусий фирма ¬1-МЧЖдан қарздор бўлиб, омонат сақловчи шу қарзни узиш муддаоси билан омборхонани муҳрлаб қўйиб, 2-МЧЖга мол-мулкини олиб чиқишга ижозат бермаган, буни хусусий фирма кўрсатилган омонат сақлаш хизмати учун у билан ҳисоб-китоб қилиши нияти билан изоҳлаган. Юк топширувчи омонат сақловчининг важ-корсонларига рози бўлмай, 2015 йил августда ўзганинг ноқонуний эгалигидаги 100 млн сўмлик мол-мулкни талаб қилиб олиш даъвоси билан судга мурожаат этган. Ишни кўриб чиқишга низо предмети юзасидан мустақил талаб билдирмаган учинчи шахс сифатида хусусий фирма жалб этилди.

Мен кичик корхонада ишлайман. Бироқ, ишдан бўшамасдан туриб унда ўриндош бўлиб ишлашни ва бошқа фирмадаги доимий иш жойига ўтишни хоҳлайман. Бироқ юрист бундай қилиб бўлмайди деяпти, чунки аввал корхонамиздан ишдан бўшашим, бошқа корхонада доимий иш жойига ўрнашишим, шундан кейингина корхонамизга ўриндошлик ишига жойлашишим керак экан. У тўғри айтдими?

Маҳаллага шаҳар ҲЭТК вакиллари келиб, электр энергияси истеъмолининг барча ҳисоблагичлари мажбурий тартибда уйдан кўчага олиб чиқилишини айтдилар. Ҳар бир уй мулкдори бунинг учун 100 000 сўм тўлаши шарт экан. ҲЭТК ходимларининг ҳаракатлари тўғрими, ҳисоблагичлар кимнинг ҳисобига кўчирилиши керак?

Биз яшайдиган уй икки ярим йил муқаддам ўз-ўзини бошқаришни ихтиёр этиб, ширкат таркибидан чиққан эди. Тажрибамиз шунга ўхшаш муаммоларни ҳал этишда бошқа мулкдорлар жамоаларига асқотади деб умид қиламиз.

Иссиқлик энергияси таъминотчиси истеъмолчи тақдим этган маълумотларни базага киритмади. Бунинг учун ким жавобгар бўлади? «Таъминотчилар» – дея жавоб беришади абонентлар. «Истеъмолчилар» –эътироз билдирди таъминотчилар. Ушбу муаммо шу қадар тез-тез вужудга келадики, ундан безор бўлдик. Бироқ шундай бўлса-да у кўп йиллардан бери ҳал этилмай келади.

Ниҳоят телекоммуникациялар хизматларини кўрсатиш чоғида ХУМШ-провайдер-мижоз занжирида муносабатлар механизми белгиланди. Ушбу учбурчакнинг ўткир учларини юмшатиш Телекоммуникация операторлари (провайдерлари)нинг хусусий уй-жой мулкдорларининг ширкатлари билан ўзаро ҳамкорлик қилиш тартиби тўғрисидаги низомга (АВ томонидан 24.11.2015 йилда 2733-сон билан рўйхатдан ўтказилган, бундан кейин – Низом) юкланди. Ҳужжат телекоммуникация провайдерлари ва уйда яшовчиларнинг манфаатлари вакили ҳисобланган ширкатлар ўртасида телекоммуникация воситалари ҳамда иншоотларини жойлаштириш, ўрнатиш, уларга хизмат кўрсатиш ва эксплуатация қилиш масалаларини тартибга солади.

«СБХ»нинг 2014 йилги сонларидан бирида «Учинчиси валютачи бўлади» деб номланган маслаҳатни ўқиган эдим. Савол берган фирма менежери импорт контракт ҳақини учинчи шахс тўлаганлигини ёзган. Билишимча, қонун ҳужжатларимизда учинчи шахсларнинг, бунинг устига валюта билан ҳақ тўлаши тақиқланган, Ўзбекистон резидентлари эса валютани фақат банкларга сотишлари мумкин. Бироқ қонун ҳужжатларимиз бундай операцияни тартибга солса, айтингчи, буни қайси биржалар орқали амалга ошириш ва асослаш учун қандай ҳуқуқий ҳужжатларни келтириш мумкин?

Мамлакатимизда транспорт тизими изчил ривожланаётгани натижасида аҳолига кўрсатилаётган транспорт хизматлари сифати ва салмоғи ортиб бормоқда.

Бугунги жаҳон иқтисодиётининг глобаллашуви жараёнида ҳар бир мамлакат ташқи иқтисодий сиёсатининг энг муҳим йўналишларидан бири бу – мамлакатнинг экспорт салоҳиятини янада ошириш ҳамда унинг жаҳон бозоридаги рақобатбардошлигини таъминлашдан иборатдир. Чунки экспорт салоҳиятини юксалтириш нафақат муайян бир мамлакатнинг, балки ҳар бир ташқи иқтисодий фаолият субъектининг ҳам туб манфаатларини кўзда тутади.

«Norma» профессионал ривожланиш марказида 2016 йилги солиқ солишдаги ўзгартишларга бағишланган навбатдаги семинар бўлиб ўтди. Уни солиқ тўғрисидаги қонун ҳужжатларига ўзгартиш ва қўшимчалар киритган ҳуқуқий ҳужжатларни ишлаб чиқишда иштирок этган Молия вазирлиги экспертлари олиб боришди. Семинарда корхона бухгалтерлари, аудиторлар, солиқ маслаҳатчилари қатнашиб, уларда мутахассисларга ўз фаолиятларида вужудга келадиган саволларни бериш имконияти туғилди. Саволларнинг баъзилари газетхонларимиз учун ҳам қизиқарли бўлади, деб ўйлаймиз.

Президентнинг «Акциядорлик жамиятларига хорижий инвесторларни жалб қилиш борасидаги қўшимча чора-тадбирлар тўғрисида»ги Қарорининг (21.12.2015 йилдаги ПҚ-2454-сон, бундан кейин – 2454-сон Қарор) 2-бандида белгиланганидек, устав капиталида хорижий инвесторларнинг улуши 15%дан кам бўлган акциядорлик жамиятлари, 2016 йилнинг 1 июлигача унинг камида 15%гача кўпайтирилишини таъминлаши лозим, ушбу шартни бажармаган АЖлар эса акциядорлик жамиятлари реестридан чиқарилади ва бошқа ташкилий-ҳуқуқий шаклларга ўзгартирилади. ПҚ-2454-сон Қарорнинг 1-банди билан Вазирлар Маҳкамасига 2016 йил 1 апрелгача «Акциядорлик жамиятлари ва акциядорларнинг ҳуқуқларини ҳимоя қилиш тўғрисида»ги Қонунга (26.04.1996 йилдаги 223-I-сон, 6.05.2014 йилдаги ЎРҚ-370-сон Қонун таҳририда, бундан кейин – АЖ тўғрисидаги Қонун) ва бошқа ҳуқуқий ҳужжатларга тегишли ўзгартиш ва қўшимчалар киритиш тўғрисида таклифларни тайёрлаш топширилди. Таҳририят билан кўп йиллардан бери ҳамкорлик қилиб келаётган юрист, акциядорлик жамиятлари фаолиятини тартибга соладиган хўжалик ҳуқуқи соҳасига ихтисослашган Александр ЦОЙ ПҚ-2454-сон Қарор талабларини, шу жумладан акциядорлик жамиятларини бошқа ташкилий-ҳуқуқий шаклларга ўзгартириш тўғрисидаги талабни бажариш учун қонун ҳужжатларига қандай ўзгартишлар киритиш лозимлиги хусусида ўз фикри билан ўртоқлашди.

Ўзбекистонда бухгалтерия ҳисобини ташкил этиш ва ҳисобот тузиш билан боғлиқ муносабатлар «Бухгалтерия ҳисоби тўғрисида»ги Қонун (30.08.1996 йилдаги 279-I-сон, бундан кейин – 279-I-сон Қонун) ва бошқа қонун ҳужжатлари билан тартибга солинади.