ҚҲТБТ порталида “Илмий ва инновацион фаолият тўғрисида”ги Қонун лойиҳаси жойлаштирилди.
Лойиҳа:
- илм-фан ва инновациялар соҳасидаги давлат сиёсатининг асосий йўналишларини;
- илмий ва инновацион фаолият субъектлари, объектлари ва инфратузилмасини;
- соҳани бошқариш тизимини;
- уни молиялаштириш механизмини белгилайди.
Давлат илмий ва илмий-техникавий фаолиятни қўллаб-қувватлашни кафолатлайди. Хусусан, илмий фаолиятни молиялаштиришнинг ҳар хил турлари назарда тутилаётир: базавий, грант, мақсадли, аралаш ва нодир объектларни сақлашни молиялаштириш.
Илмий, илмий-техникавий ва инновацион фаолиятни амалга оширадиган жисмоний ва юридик шахслар ушбу муносабатлар субъектлари бўлади.
Жисмоний шахслар
|
Юридик шахслар |
Олим – илм-фанга муҳим ҳисса қўшган илмий ва илмий-техникавий фаолиятни олиб борадиган субъект.
|
Фанлар академияси – мамлакатнинг олий илмий ташкилоти. |
Илмий (илмий-педагогик ва (ёки) илмий-техникавий) ходим – олий маълумотга, зарур малакага эга ва илмий ва (ёки) илмий-техникавий ва (ёки) илмий-педагогик фаолият билан профессионал равишда шуғулланувчи шахс. |
Илмий муассаса - илмий, илмий-техникавий ва инновация фаолиятини амалга ошириш асосий фаолият тури бўлган ва таъсис ҳужжатларига мувофиқ ҳаракат қиладиган юридик шахс. |
Илмий муассаса мутахассисиси (муҳандис-техник ходим) – ўрта махсус, касб-ҳунар ёки олий маълумотга эга ва илмий ва (ёки) илмий-техникавий натижани олишга ёки уни рўёбга чиқаришга кўмаклашувчи шахс.
|
Инновация ташкилотлари – илмий ва инновация фаолияти натижаларини ишлаб чиқишни ва/ёки апробациясини, ўзлаштиришни, трансферни ва тижоратлаштиришни амалга оширувчи юридик шахслар томонидан ташкил этилади. |
Илмий хизмат кўрсатиш соҳаси ходими – илмий ташкилотда илмий ва (ёки) илмий-техникавий фаолият учун зарур шарт-шароитлар яратишни таъминловчи шахс.
|
Вазирлар Маҳкамаси ҳузуридаги Олий аттестация комиссияси – илмий ва илмий-педагогик кадрларни аттестациядан ўтказиш соҳасидаги олий орган. |
Лойиҳада давлат илмий ва олий таълим муассасалари илмий ходимларига илмий даражалар бериш тартиби, шунингдек уларни ижтимоий ҳимоя қилиш чора-тадбирлари (ҳар йилги давомли таътиллар ва ҳ.к.) кўзда тутилмоқда.
Лойиҳага кўра, инновация бу – янги ёки такомиллаштирилган маҳсулот (товар, иш, хизмат ва б.) кўринишида рўёбга чиқарилган илмий-тадқиқот, тажриба-конструкторлик ва (ёки) технологик ишларнинг охирги натижасидир.
Қонун лойиҳаси билан инновациянинг қуйидаги турлари ажратилади (қуйидаги жадвалга қаранг).
Маҳсулот инновацияси |
технологик янги инновацион маҳсулот ишлаб чиқиш ва жорий қилишга қаратилган
|
Жараён инновацияси |
технологик янги ишлаб чиқариш услублари, жумладан инновацион маҳсулотни узатиш услубларини ишлаб чиқишга қаратилган
|
Маркетинг инновацияси |
маҳсулотлар дизайни ва ўрамидаги ўзгартиришларни, маҳсулотларни сотиш ва тақдимот қилишнинг янги услубларидан фойдаланишни қамраб оладиган янги маркетинг услубларини амалга оширишга қаратилган
|
Ташкилий инновация |
бизнесни юритиш, иш ўринлари ёки ташқи алоқаларни ташкил этишнинг янги услубларини рўёбга чиқаришга қаратилган
|
Миллий инновация лойиҳаларини ишлаб чиқувчилар учун режалаштирилаётган имтиёзлар тўғрисида бу ерда ўқиш мумкин.
Лойиҳа ўзгартирилиши, тўлдирилиши ёки рад этилиши мумкин.
Моҳина Мирзаева.