Неверный логин или пароль
или войдите через:
×
На ваш почтовый ящик отправлены инструкции по восстановлению пароля
x
Жисмоний шахсларга солинадиган ресурс солиқлари - buxgalter.uz да ўқингЯСТ – айланмадан солиқ - buxgalter.uz да ўқингЯИТ ўрнига – ижтимоий солиқ - buxgalter.uz да ўқингЯЕС ер солиғи билан бирлаштирилади - buxgalter.uz да ўқингЯкка тартибдаги тадбиркорлар ЖШДС тўлайди - buxgalter.uz да ўқингҚҚС ва унинг янги қоидалари - buxgalter.uz да ўқингОнлайн-НКМ ва виртуал кассанинг жорий этилиши бухгалтерия ҳисобига қандай таъсир кўрсатади - buxgalter.uz да ўқингЛизингда ҚҚС бўйича қандай имтиёзлар бор? - buxgalter.uz да ўқингБир нечта имтиёзни инобатга олган ҳолда ЖШДСни ҳисоблаш ва буни ҳисоботда акс эттириш тартиби қандай бўлади- buxgalter.uz да ўқингIII чорак учун кимлар кузатилади? - buxgalter.uz да ўқингВir.uz тизими малака имтиҳонларини тиклади - buxgalter.uz да ўқинг Бош бухгалтер ишдан бўшаб, ЭРИни қайтармаса нима қилиш керак? - buxgalter.uz да ўқингЭлектрон ҳисобварақ-фактураларга ўтиш учун бухгалтер яна нимани билиши зарур? - buxgalter.uz да ўқинг2020 йилда фойда солиғида қандай ўзгаришлар бўлади - buxgalter.uz да ўқингДСҚ онлайн-НКМ ва электрон ҳисобварақ-фактуралар инфратузилмасини якунига етказмоқда buxgalter.uz да ўқинг5 октябргача бухгалтер нима қилиши керак - buxgalter.uz да ўқинг

Кичик бизнес: қийналиб қолдингизми ёрдам беришади

04.09.2019

Рус тилида ўқиш

ҚҲТБТ порталида тадбиркорлик фаолиятини юритишда чеклов белгиланган аҳолининг эҳтиёжманд қатламларига номолиявий ёрдам кўрсатиш бўйича чора-тадбирлар назарда тутилган ҳужжат лойиҳаси жойлаштирилди.

 

Эслатиб ўтамиз, мазкур ҳукумат қарорини республикада тадбиркорликни янада ривожлантириш чора-тадбирларини ўз ичига олган Президентнинг 13.08.2019 йилдаги ПФ-5780-сон Фармонини амалга ошириш доирасида ишлаб чиқиш топширилган (шарҳларни бу ерда ва бу ерда қаранг).

 

Ўз бизнесини бошлашда қийналаётган аҳолининг эҳтиёжманд қатламларига ёрдам кўрсатиш учун қуйидаги номолиявий қўллаб-қувватлаш усуллари таклиф этилмоқда:

  • талабгир касблар ва мутахассисликларга ўқитиш;
  • тадбиркорлик фаолиятини ташкил этиш ва юритиш кўникмаларига ўқитиш.

 

Аввал оилавий тадбиркорликни ривожлантириш давлат дастури доирасидаги бўш турган кредитларни «Микрокредитбанк» АТБ ва «Халқ банки» АТБда жойлаштиришдан қўшимча даромадлар ушбу чора-тадбирларни молиялаштиришга жалб этилади. Мазкур маблағлар тадбиркорлик фаолиятини қўллаб-қувватлаш давлат жамғармасига ўтказилади ва 1.01.2020 йилдан қуйидаги миқдорларда юқорида айтиб ўтилган чора-тадбирларни амалга оширишга субсидиялар кўринишида йўналтирилади:

  • касб ва мутахассисликларга ўқитишга, ҳар бир ўқувчига ўқиш харажатларига – 3 БҲМ ҳамда ўқиш жараёнида озиқ-овқат ва ётоқхона билан таъминлаш харажатларига – 2 БҲМ;
  • тадбиркорлик фаолиятини ташкил этиш ва юритиш асосларига ўқитиш бўйича ҳар бир тингловчини 1 ойлик ўқиш даврида озиқ-овқат ва турар жой билан таъминлаш учун – 2 БҲМ;
  • тадбиркорлик билан шуғулланиш учун ҳужжатларни расмийлаштириш ва бошқа харажатларга – ҳар бир субъектга 3 БҲМдан 10 БҲМгача.

 

Ҳужжат бизнес юритишда қийинчиликларга дуч келаётган тадбиркорлик субъектларига номолиявий ёрдам бўйича чора-тадбирларини ҳам ўз ичига олган. Улар учун бепул телефон ва онлайн-маслаҳат хизматлари, ўқув марказлари, бизнес-инкубаторлар, қонунчилик, янги технологиялар, маҳсулотлар, бозорлар ва бошқа масалалар бўйича ахборот хизматларини ташкил этиш таклиф этилмоқда.

 

Юқорида келтирилган аҳоли бандлигига кўмаклашиш турларини жорий этишга масъул этиб Меҳнат вазирлиги, Кичик бизнес ва тадбиркорликни ривожлантириш агентлиги ҳамда Савдо-саноат палатаси белгиланди.

 

Лойиҳа ўзгартирилиши, унга қўшимча киритилиши ёки рад этилиши мумкин.

      

Ленара Хикматова.


В этой теме действует премодерация комментариев.
Вы можете оставить свой комментарий.

info! Оставляя свой комментарий на сайте, Вы соглашаетесь с нашими Правилами их размещения.
Гость_